सासऱ्याचा सुनेवर बलात्काराचा प्रयत्न; निवृत्त सैनिक अटक.!!!
रामगंज मंडी (विशेष प्रतिनिधी) —
शहरातील एका निवृत्त सैनिकाकडून स्वतःच्या सुनेवर वारंवार अश्लील वर्तन आणि अखेर बलात्काराचा प्रयत्न केल्याची धक्कादायक घटना समोर आली आहे. २२ वर्षीय पीडिता पतीच्या अनुपस्थितीत सासरी राहत असताना या त्रासाला सामोरी जात होती.
पीडितेच्या तक्रारीनुसार, ती जेव्हा बाथरूममध्ये जायची, तेव्हा आरोपी सासरा डोकावून पाहत असे. काही दिवसांपूर्वी घरात ती एकटी असताना, आरोपीने मागून पकडून बेडवर ढकलले आणि बलात्काराचा प्रयत्न केला. सूनेने आरडाओरड करून स्वतःची सुटका केली आणि तत्काळ पतीला फोन करून घटनेची माहिती दिली.
यानंतर पीडितेने पोलिस ठाण्यात तक्रार नोंदवली. सुरुवातीला अटकेत विलंब झाल्याने कुटुंबीयांनी एसडीएम कार्यालयाबाहेर धरणे आंदोलन केले. अखेर दबाव वाढल्यानंतर पोलिसांनी ५५ वर्षीय आरोपीला अटक करून पुढील चौकशी सुरू केली आहे.