ग्लोबल मिशन स्कूल, बाहुटे येथे उत्साहात स्वातंत्र्यदिन सोहळ्याचे आयोजन.!!!
पारोळा प्रतिनिधी :-
बाहुटे : देशभक्ती, शिक्षण आणि पर्यावरण संवर्धनाचा सुंदर संगम घडवून आणणाऱ्या ग्लोबल मिशन स्कूल, बाहुटे येथे स्वातंत्र्यदिन सोहळ्याचे भव्य आयोजन करण्यात आले आहे. विद्यार्थ्यांमध्ये राष्ट्रप्रेम, सामाजिक बांधिलकी आणि देशाच्या उज्ज्वल भवितव्याची जाणीव निर्माण करण्याच्या उद्देशाने हा सोहळा आयोजित करण्यात आला आहे.
या कार्यक्रमात महाराष्ट्र राज्याचे माजी विधानसभा अध्यक्ष मा. अरुणभाई गुजराथी यांच्या शुभहस्ते ध्वजारोहण करण्यात येणार आहे. कार्यक्रमाच्या अध्यक्षस्थानी एरंडोल विधानसभा मतदारसंघाचे माजी आमदार मा. महेंद्रसिंग पाटील राहणार आहेत.
यावेळी प्रा. एस. जे. पाटील (तज्ज्ञ संचालक, ग्लोबल मिशन स्कूल) तसेच मा. जयदीप पाटील (शैक्षणिक सल्लागार, ग्लोबल मिशन स्कूल) यांची प्रमुख उपस्थिती राहणार आहे.
ध्वजारोहणाचा कार्यक्रम सकाळी ७.३० वाजता होणार असून, विद्यार्थ्यांसह पालक, शिक्षक, माजी विद्यार्थी आणि नागरिकांनी मोठ्या संख्येने उपस्थित राहून कार्यक्रमाची शोभा वाढवावी, असे आवाहन शाळेच्या वतीने करण्यात आले आहे.
शाळेचे चेअरमन श्री. मनोहर पंडित पाटील आणि प्रिन्सिपल श्री. उमाकांत बुंदेले यांच्या मार्गदर्शनाखाली या स्वातंत्र्यदिन सोहळ्याचे आयोजन करण्यात आले आहे.
“देशभक्ती मनामध्ये, संस्कार कृतीमध्ये आणि शिक्षण जीवनामध्ये रुजविणारा स्वातंत्र्यदिन सोहळा” या संकल्पनेतून आयोजित करण्यात आलेला हा कार्यक्रम विद्यार्थ्यांच्या मनात राष्ट्रप्रेमाची भावना अधिक दृढ करणारा आणि त्यांच्या व्यक्तिमत्त्वाला प्रेरणा देणारा ठरणार आहे.
