नवनिर्वाचित नगराध्यक्षा यांना उपमुख्यमंत्री एकनाथ शिंदे यांचा आशीर्वाद.!!!
सावरकर सदन येथे पाचोरा व भडगावच्या नवनिर्वाचित नगराध्यक्षा यांना उपमुख्यमंत्री एकनाथ शिंदे यांचा आशीर्वाद.!!!
मुंबई | प्रतिनिधी :-
मुंबई येथील स्वातंत्र्यवीर सावरकर सदन येथे शिवसेना नेते व महाराष्ट्र राज्याचे उपमुख्यमंत्री मा. ना. एकनाथजी शिंदे यांच्या प्रमुख उपस्थितीत पाचोरा व भडगाव नगरपरिषदांच्या नवनिर्वाचित लोकनियुक्त नगराध्यक्षा यांचा सत्कार व शुभेच्छा समारंभ पार पडला. यावेळी शिवसेनेच्या पाचोरा नगरपरिषदेच्या नवनिर्वाचित नगराध्यक्षा सौ. सुनिताताई किशोरआप्पा पाटील तसेच भडगाव नगरपरिषदेच्या नवनिर्वाचित नगराध्यक्षा सौ. रेखाताई प्रदीप मालचे यांना मा. उपमुख्यमंत्री शिंदे यांनी शुभेच्छा दिल्या.
याप्रसंगी बोलताना उपमुख्यमंत्री एकनाथ शिंदे यांनी सांगितले की, नगरपालिकांच्या माध्यमातून सर्वसामान्य नागरिकांच्या दैनंदिन समस्या सोडविण्याचे महत्त्वाचे कार्य केले जाते. नवनिर्वाचित नगराध्यक्षा यांनी पारदर्शक व विकासाभिमुख कारभार करताना नागरिकांचा विश्वास अधिक दृढ करावा, अशी अपेक्षा त्यांनी व्यक्त केली. राज्य शासनाच्या विविध विकास योजनांचा लाभ तळागाळातील नागरिकांपर्यंत पोहोचवण्यासाठी स्थानिक स्वराज्य संस्थांची भूमिका अत्यंत महत्त्वाची असल्याचेही त्यांनी नमूद केले.
या वेळी विकासपुरुष आमदार मा. श्री. किशोरआप्पा पाटील, नवनिर्वाचित नगरसेवक श्री. लखीचंद पाटील, नगरसेविका सौ. समीक्षा पाटील, पिंटू मराठे, जहांगीर मालचे यांच्यासह शिवसेनेचे अनेक पदाधिकारी व कार्यकर्ते उपस्थित होते. उपस्थित मान्यवरांनी नवनिर्वाचित नगराध्यक्षा यांना भावी कार्यकाळासाठी शुभेच्छा देत त्यांच्या नेतृत्वाखाली पाचोरा व भडगाव शहरांच्या सर्वांगीण विकासाला गती मिळेल, असा विश्वास व्यक्त केला.
