जावळे येथे झाले वृक्षारोपण. २०० लावली झाडे.
चाळीसगाव प्रतिनिधी :-
तालुक्यातील जावळे येथे गावालगत परदेशी मंगल कार्यालयाच्या नियोजीत जागेवर चाळीसगाव येथील परदेशी, राजपुत समाज उन्नती मंडळाच्या पदाधिकार्यांच्या हस्ते विविध प्रकारचे वृक्ष लागवड करण्यात आली. हा छोटेखानी वृक्षलागवडीचा कार्यक्रम दि. ७ रोजी सकाळी ११ वाजता आयोजीत करण्यात आला होता. जावळे येथील रहिवाशी व
परदेशी समाजातील दानशुर भगवान चञु परदेशी व त्यांचे कुटुंबियांनी ५६ आर जमिन विना मोबदला समाजाला दान दिलेली आहे. याच जागेवर समाजाचे मंगल कार्यालयाचे उभारणीचे आयोजन सुरु आहे. या जागेवर पामसह जवळपास २०० झाडांची लागवड करण्यात आली. या वृक्षांमुळे पुढे या भागात हिरवळीने निसर्ग सौंदर्य वाढणार आहे.
यावेळी चाळीसगाव येथील परदेशी राजपुत समाज उन्नती मंडळाचे संस्थापक अध्यक्ष डाॅ. कर्तारसिंग सरदारसिंग परदेशी, अध्यक्ष भरतसिंग देवचंद छानवाळ, उपाध्यक्षा मथुराबाई भगवान परदेशी, संचालक सुभाष मन्नु महाजन, भगवान रघुविरसिंग परदेशी, तसेच भगवान चञु परदेशी जावळे , गोरख चञु परदेशी जावळे, कन्नड शिवसेना तालुका प्रमुख संजय राजपुत , सुनिल परदेशी जावळे, बाबुलाल परदेशी वडगाव यांचेसह समाजबांधव उपस्थित होते.