भडगाव येथे फुललेल्या फुलशेतीतुन लाखोंचे मिळतेय उत्पन्न.!!!
मुलांचे शिक्षण अन कुटुंबाच्या उदरनिर्वाहाला फुलशेतीचा मिळतोय आधार.
भडगाव प्रतिनिधी :-
कपाशी, मका, ज्वारी या पारंपारिक पिकांसोबतच २५ गुंठे जमिनीत दरवर्षी झेंडु, नवरंग, बिजली आदि फुलांची शेती फुलवुन वर्षाला दिड ते दोन लाखांचे उत्पन्न भडगाव टोणगाव येथील इंदल लालचंद परदेशी या शेतकर्याला मिळत आहे. हे शेतकरी इतर पिकांसोबतच फुलशेती करण्याकडे जवळपास ५ वर्षापासुन वळलेले आहेत. आजही शेतात नवरंग, बिजली आदि फुलांची रंगी बेरंगी आकर्षक फुलशेती फुललेली आहे. या फुलांच्या उत्पन्नाचा पैसा दररोज हाती पडत आहे. मुलांच्या शिक्षणासह कुटुंबाचा उदरनिर्वाह करण्यास हातभार लागत असुन फुलशेतीचा आधार मिळत असल्याचे या शेतकर्याने माध्यमांशी बोलतांना सांगीतले. अशीही फुलशेती करण्याचा आदर्श या शेतकर्याने निर्माण केल्याचे दिसत आहे.
याबाबत माहिती अशी कि, भडगाव येथील टोणगाव शिवारात इंदल लालचंद परदेशी या शेतकर्याची अडीच एकर जमिन आहे. पुर्वीपासुन ते कपाशी, मका, ज्वारी आदि पारंपारीक पिकांची शेती करायचे. माञ कधी निसर्गाचा लहरीपणा, कधी अतिवृष्टीचा दणका, कधी दुष्काळी स्थितीचा फटका आदि कारणांमुळे पिकांचे उत्पन्न कधी कमी मिळायचे. तर कधी नुकसानीमुळे पिकांवर केलेला खर्चही निघायचा नाही. कधी पिकांना चांगला भाव मिळायचा तर कधी पिकांना कमी भाव मिळायचा. या शेतीपिकांना ५ ते ६ महिन्यांचा कालावधी लागतो. उसनवारीने वा व्याजाने पैसे काढुन मुलांच्या शिक्षणासह शेती पिकावर खर्च करावा लागत होता. त्यात राञंदिवस कष्ट करुनही फारसे यश मिळायचे नाही. मग संसाराचा गाडगा चालवायचा कसा? असा यक्ष प्रश्न या शेतकर्याच्या समोर होता.
माञ शेती फक्त अडीच एकर. मग शेती पिके कोणती घ्यायची. शेती कशी करायची . या विचारात ते होते. त्यांनी सन २०१९ पासुन अडीच एकर क्षेञापैकी फक्त २५ गुंठे जमिनीत झेंडु, शेवंती, बिजली, नवरंग आदि फुल शेती करण्याचा निर्णय घेतला. इतर क्षेञात कपाशी, मका, ज्वारी आदि पिके घेण्याचा निर्णय घेतला. माञ फुले दररोज घरच्या घरी परीवारातील सदस्यांच्या हाताने तोडुन बाजारपेठेत फुलांच्या दुकानांवर विक्रीस नेण्यास सुरुवात केली.
फुलांना चांगला भाव मिळायला लागला. आणि फुलांच्या विक्रीतुन दररोज पैसा हाती यायला लागला. यामुळे मुलांच्या शिक्षणासाठी व कुटुंबाचा उदरनिर्वाह भागविण्यासाठी फुलशेती परवडायला लागली. फुलशेतीचा कुटुंबाला मोठा आधार मिळायला लागला. त्यामुळे अडीच एकर क्षेञापैकी २५ गुंठे क्षेञात फुलशेती करण्याकडे ते वळले आहेत. सिझन व सणानुसार फुले लागवड करण्यात येते. फुलांची तोडणीचा बहार महीना ते दिड महिन्यात सुरु होतो.
सध्या फुलांना ३० ते ४० रुपये किलो प्रमाणे भाव मिळत आहे. फुले रोप लागवड, मटेरीयल, निंदणी, औषध फवारणी असा २५ गुंठे क्षेञाला ४० ते ५० हजार रुपये खर्च लागतो. अन उत्पन्न दिड ते दोन लाखांपर्यंत मिळते. घरातील सदस्य मेहनत करुन फुलांचा मळा फुलवितात. त्यामुळे मजुरीचा खर्च वाचतो. त्यामुळे आम्हा फुलशेती परवते असेही इंदल लालचंद परदेशी या शेतकर्याने दै. लोकमतशी बोलतांना सांगीतले.
प्रतिक्रीया — आमची भडगाव टोणगाव शिवारात अडीच एकर शेती आहे. कपाशी, मका, ज्वारी ही पारंपारीक पिके घेण्यासोबतच आम्ही २५ गुंठे क्षेञात झेंडु, बिजली, नवरंग आदि फुलांची लागवड करीत आहोत. ५ वर्षापासुन फुलशेतीतुन
आम्हाला दिड ते दोन लाखांचे उत्पन्न मिळत आहे. याला खर्च ४० ते ५० हजार येतो. फुलशेतीच्या रोजच्या उत्पन्नाने रोज पैसे हाती मिळतात. यामुळे मुलांच्या शिक्षणासह कुटुंबाचा उदरनिर्वाह भागविला जातो. त्यामुळे फुल शेती आम्हाला फायदेशीर ठरत असुन मोठा आधार मिळाला आहे.
इंदल लालचंद परदेशी.
फुलउत्पादक शेतकरी. रा. टोणगाव भडगाव जि.जळगाव.
