पाचोऱ्यातील एका – गोडावूनमधून १ लाखाचा मुद्देमाल लंपास करणाऱ्या तिघांना पोलिसांनी अटक.!!!
पाचोरा प्रतिनिधी :-
पाचोरा शहरातील वरखेडी रोड वरील एका गोडावूनचे लॉक तोडून गोडावूनमधील १ लाख रुपये किमतीच्या वस्तू घेऊन जात असताना गुरुकुल शाळेसमोरील भागात नागरिकांच्या सतर्कतेमुळे गस्तीवर असलेल्या डीबी पोलीस पथकाने तीन चोरट्यांना ताब्यात घेत जेरबंद केले. त्यांच्याकडून ५ लाख ३० हजारांचा मुद्देमाल पोलिसांनी रिकव्हर केला असून, आरोपी चोरट्यांना पाचोरा न्यायालयात हजर केले असता १७पर्यंत पोलीस कोठडी सुनावली आहे.
याबाबत वृत्त असे की, पाचोरा शहरातील वरखेडी रोडवरील कालिका पोल्ट्री फार्मजवळ फिर्यादी जयप्रकाश अमरलाल जाधवाणी (रा. गणपती नगर, जळगाव) यांचे दारूच्या रिकाम्या बाटल्या ठेवण्याचे गोडावूनमध्ये १३ एप्रिल २०२५ रोजी रात्री ११.४० वाजेच्या सुमारास मोहन धोंडू पाटील, सोनू प्रकाश पाटील (रा. गलवाडे, ता. सोयगाव) व भूषण दिनकर म्हासरे (रा. निंभोरा, ता.
सोयगाव) या तिघांनी गोडावूनचे लॉक तोडून आत प्रवेश केला.
काचेच्या, अॅल्युमिनियमच्या, प्लास्टिकच्या वेगवेगळ्या ब्रांडच्या खाली बाटल्यांची चोरी करताना रात्री पोलीस निरीक्षक अशोक पवार यांच्या मार्गदर्शनाखाली गस्तीवर असलेले पोलीस उपनिरीक्षक प्रकाश चव्हाणके, पो. हे. कॉ. राहुल शिंपी, पोलीस कॉ. रणजित पाटील, योगेश पाटील, संदीप राजपूत, वाहनचालक अशोक पाटील यांनी घटनास्थळावरून तिघांना ताब्यात घेत त्यांच्याविरुद्ध जयप्रकाश जाधवाणी यांनी पाचोरा पोलिसात
दिलेल्या फिर्यादीवरून गुन्हा दाखल करीत आरोपी चोरट्यांना जेरबंद करण्यात आले. त्यांच्याकडून ५ लाख रुपये किमतीचे वाहन (७४८०) व ३० हजार रुपये किमतीच्या बाटल्या रिकव्हर करण्यात आल्या आहेत.
या गुन्ह्यात अटकेतील वरील तिन्ही आरोपी चोरट्यांना पाचोरा न्यायालयात हजर केले असता १७पर्यंत पोलीस कोठडी सुनावली आहे. या गुन्ह्याचा पुढील तपास पोलीस निरीक्षक अशोक पवार यांच्या मार्गदर्शनाखाली पो. हे. कॉ. राहुल शिंपी करीत आहेत.