ज्या पत्नीच्या आरोपाखाली जेलमध्ये गेला, तीच पत्नी प्रियकरासह हातात हात घालून फिरताना दिसली.पोलीसही हादरले.!!!

ज्या पत्नीच्या आरोपाखाली जेलमध्ये गेला, तीच पत्नी प्रियकरासह हातात हात घालून फिरताना दिसली.पोलीसही हादरले.!!!

कर्नाटकात चित्रपटाच्याही कथेला लाजवेल अशी धक्कादायक घटना समोर आली आहे. ज्या पत्नीच्या मृत्यूनंतर तिच्यावर अंत्यसंस्कार केले. जिच्या हत्येच्या आरोपाखाली जेलमध्ये शिक्षा भोगली ती जिवंत असल्याचं पाहिल्यानंतर पतीच्या पायाखालची जमीनच सरकली.

ती फक्त जिवंतच नव्हती तर शहरात निर्धास्तपणे आपल्या प्रियकराच्या हातात हात घालून फिरत होती.

ही कहाणी कर्नाटकातील कोडगु जिल्ह्यातील कुशलनगर तालुक्यातील बसवनहल्ली गावात घडली आहे. जिथे स्थानिक रहिवासी सुरेश एकेकाळी त्याची पत्नी मल्लिगेसोबत शांत जीवन जगत होता. 2019 मध्ये ती अचानक गायब झाली आणि तिचा काहीच पत्ता लागला नाही.

नेमकं काय झालंय हे जाणून घेण्यासाठी हताश असलेल्या सुरेशने कुटुंबीयांच्या मदतीने तिचा शोध घेण्याचा प्रयत्न केला. यादरम्यान त्याला तिच्या कथित विवाहबाह्य संबंधांची कुजबुज ऐकू आली. दुःखी असूनही, त्याने मल्लिगेला फोन केला आणि तिच्या मुलांसाठी किमान संपर्कात राहण्याची विनंती केली. पण तिने कधीही प्रतिसाद दिला नाही. आपल्याला या प्रकरणात अडकवलं जाऊ शकतं या भितीपोटी त्याने 2021 मध्ये कुशलनगर पोलिसांशी संपर्क साधला आणि बेपत्ता झाल्याची तक्रार दाखल केली. पण नियतीने त्याच्या नशिबात काहीतरी वेगळंच लिहिलं होतं.

सांगाडा, अंत्यसंस्कार आणि खोटे आरोप

2022 मध्ये पोलिसांनी सुरेशला बोलावून सांगितलं की त्याच्या पत्नीच्या मृतदेहाचे अवशेष पेरियापटना तालुक्यातील बेट्टाडापुरा जवळ सापडले आहेत. त्याच्या सासूसोबत त्याला एक सांगाडा पाहण्यासाठी नेण्यात आलं आणि ती त्याची पत्नी असल्याचं सांगण्यात आले. यानंतर त्याने तिच्यावर अंत्यसंस्कार केले.

यानंतर पोलिसांनी सुरेशवर त्याच्या पत्नीचा खून केल्याचा आरोप केला. तो वारंवार नकार देत असतानाही त्याला अटक करण्यात आली आणि तुरुंगात टाकण्यात आलं.

सांगाड्याच्या अवशेषांच्या फॉरेन्सिक डीएनए अहवालात मल्लिगेच्या कुटुंबाशी अनुवांशिक जुळणी नसल्याचं आढळून आले तेव्हाच सुरेशला दोषमुक्त करण्यात आले आणि तुरुंगातून सोडण्यात आलं.

यानंतर 1 एप्रिल 2025 रोजी, सुरेशला आणखी एक धक्का बसला. त्याच्या मित्रांनी मल्लिगेला मदिकेरी येथील एका हॉटेलमध्ये चेक इन करताना पाहिलं, ती जिवंत, निरोगी आणि तिच्या प्रियकरासह होती. धक्का बसला, त्यांनी फोटो काढले आणि अधिकाऱ्यांना सूचना दिल्या. पोलिसांनी तातडीने महिलेला ताब्यात घेतले आणि म्हैसूर येथील न्यायालयात हजर केलं.