६३ व्या हौशी मराठी राज्य नाट्य स्पर्धेत ‘मिडीआ’ नाटक प्रथम.!!!

६३ व्या हौशी मराठी राज्य नाट्य स्पर्धेत ‘मिडीआ’ नाटक प्रथम.!!!

मुंबई (गुरुदत्त वाकदेकर) : ६३ व्या महाराष्ट्र राज्य हौशी मराठी राज्य नाट्य स्पर्धेच्या अंतिम फेरीत ‘रुद्रेश्वर, गोवा’ या संस्थेच्या ‘मिडीआ’ या नाटकाने प्रथम क्रमांक पटकावला असून, त्यासाठी रु. ६ लाखांचे प्रथम पारितोषिक जाहीर झाले आहे, अशी घोषणा सांस्कृतिक कार्य संचालक बिभीषण चवरे यांनी १७ मार्च २०२५ रोजी प्रसिद्धीपत्रकाद्वारे केली.

स्पर्धेच्या अंतिम फेरीत अन्य विजेते पुढीलप्रमाणे :-

द्वितीय पारितोषिक (रु. ४ लाख) : मराठवाडा मित्रमंडळाचे शंकरराव चव्हाण विधी महाविद्यालय, पुणे यांच्या ‘मून विदाउट स्काय’ नाटकाला

तृतीय पारितोषिक (रु. २ लाख) : माणूस फाऊंडेशन, मुंबई यांच्या ‘द फिलिंग पॅराडॉक्स’ नाटकाला

विशेष पारितोषिके : दिग्दर्शन :प्रथम : गंगाराम नार्वेकर (मिडीआ), द्वितीय : मुकुल ढेकळे (मून विदाउट स्काय), तृतीय : डॉ. सोमनाथ सोनवळकर (द फिलिंग पॅराडॉक्स), नेपथ्य : प्रथम : सुमित शेलार (मून विदाउट स्काय), द्वितीय : सचिन गोताड (द फिलिंग पॅराडॉक्स), तृतीय : योगेश कापडी (मिडीआ), *प्रकाश योजना : प्रथम : निखिल मारणे (मून विदाउट स्काय), द्वितीय : प्रसन्न निकम (इन्शाअल्ला), तृतीय : साईप्रसाद शिर्सेकर (द फिलिंग पॅराडॉक्स), रंगभूषा : प्रथम : एकनाथ नाईक (मिडीआ), द्वितीय : उल्लेश खंदारे (द फिलिंग पॅराडॉक्स), तृतीय : उल्लेश खंदारे (लिअरने जगावं की मरावं), *संगीत दिग्दर्शन : प्रथम : बिपीन वर्तक (इन्शाअल्ला), द्वितीय : ऋषिकेश देशमाने (संगीत मतीविलय), तृतीय : कृष्णा देवा (डिनायल), उत्कृष्ट अभिनय (रौप्यपदक) : पुरुष कलाकार : अश्विन शर्मा (हमीदाबाईची कोठी), महेंद्र कुरघोडे (मोक्ष), यशवंत चोपडे (ब्लॅकन्ड इक्वेशन), श्रीराम जोग (हा खेळ पुन्हा खेळू), प्रणव सपकाळे (मून विदाउट स्काय), डॉ. सोमनाथ सोनवळकर (द फिलिंग पॅराडॉक्स), वैभव मावळे (वाघमाऱ्या जानकीराम), अमोल देशमुख (विक्रमाचा घातांक क्ष), महेश कोपरेकर (डिनायल), पंकज दिवेकर (इम्युनिटी : द व्हॉइस ऑफ टॉलरन्स), स्त्री कलाकार : पूनम सरोडे (वेटलॉस), वैष्णवी काकोडे (मिडीआ), भावना चौधरी (ब्लॅकन्ड इक्वेशन), समृद्धी कोटगी (इम्युनिटी : द व्हॉइस ऑफ टॉलरन्स), मानसी गोसावी (मून विदाउट स्काय), प्रेरणा खेडेकर (द फिलिंग पॅराडॉक्स), लक्ष्मी पिंपळे (सेलिब्रिटी), अक्षता सुर्वे (इन्शाअल्ला), श्रेयसी वैद्य (डिनायल), सिध्दी कुलकर्णी (वाघमाऱ्या जानकीराम).

अभिनयासाठी गुणवत्ता प्रमाणपत्रे : पुरुष कलाकार : मनिष उईके (व्रणिता), सुनील मळेकर (पाकीट), मंथन जाधव (इम्युनिटी : द व्हॉइस ऑफ टॉलरन्स), मयूर पाटील (सितारों से आगे), उमेश चव्हाण (वाघमाऱ्या जानकीराम), *स्त्री कलाकार :* शब्दुली सुतार (दानव), मनुजा नार्वेकर लोकूर (मिडीआ), स्नेहा घडवई (लेबल), श्रद्धा शितोळे (द फिलिंग पॅराडॉक्स), हर्षाली बेलवलकर (सितारों से आगे).

दि. १७ फेब्रुवारी २०२५ ते १५ मार्च २०२५ या कालावधीत रंगशारदा नाट्यमंदिर, बांद्रा, मुंबई येथे ही अंतिम फेरी पार पडली. स्पर्धेत एकूण ४४ नाट्यप्रयोग सादर करण्यात आले. परीक्षक म्हणून शिवदास घोडके, रविंद्र अवटी, संजय पेंडसे, प्रदीप वैद्य आणि शंकुतला नरे यांनी जबाबदारी पार पाडली. स्पर्धेचे समन्वयक म्हणून राकेश तळगावकर यांनी काम पाहिले.

सांस्कृतिक कार्य विभागाचे अपर मुख्य सचिव विकास खारगे आणि सांस्कृतिक कार्य मंत्री ॲड. आशिष शेलार यांनी सर्व विजेत्यांचे अभिनंदन केले. तसेच भविष्यात कलाकारांनी व संस्थांनी अधिक उत्तम नाट्यप्रयोग सादर करावेत, अशी अपेक्षा व्यक्त केली.