भडगाव नगरपरिषद निवडणुकीच्या प्रचाराचा शुभारंभ श्रीराम मंदिरात आमदार किशोर आप्पा पाटील यांच्या हस्ते.!!!

भडगाव प्रतिनिधी :-

आगामी भडगाव नगरपरिषद निवडणुकीच्या पार्श्वभूमीवर प्रचार मोहिमेला आज आमदार किशोर आप्पा पाटील यांच्या नेतृत्वाखाली सुरुवात करण्यात आली. सकाळी श्रीराम मंदिरात नारळ फोडून या प्रचार मोहिमेचा शुभारंभ करण्यात आला.

यानंतर आजाद चौकातून प्रचार यात्रेला प्रारंभ झाला.शनी चौक,सय्यद वाळा, गंजीवाडा, जालाली वाडा, कोळीवाडा, काकासाठ चौक आदी भागांतून ही यात्रा उत्साहात पार पडली. स्थानिक नागरिकांनी उमेदवारांचे स्वागत करत घोषणाबाजीने वातावरण दुमदुमवले.

या वेळी तालुकाध्यक्ष सुधाकर पाटील, समाधान पाटील,भूरा आप्पा,डॉ. शेख, गणेश अण्णा परदेशी, लखीचंद पाटील, इमरान अली सैय्यद, अतुल पाटील, अतुल परदेशी,जहांगीर मालचे,सुनील देशमुख,आसिम भाऊ मिर्झा,शशी भाऊ येवले,ता.अध्यक्ष स्वप्निल पाटील,नाना चौधरी, बबलू देवरे,यांसह अनेक पदाधिकारी आणि कार्यकर्ते उपस्थित होते.

प्रचारादरम्यान कार्यकर्त्यांनी शहरातील नागरिकांशी संवाद साधत विकासाच्या विविध योजनांबाबत माहिती दिली. या प्रसंगी आमदार पाटील म्हणाले, “नगरपरिषद निवडणुकीत विकास आणि पारदर्शक प्रशासन हेच आमचे प्रमुख मुद्दे असतील. नागरिकांचा पाठिंबा हाच आमचा बळ आहे,”असे त्यांनी सांगितले.

अश्लील फोटो व्हायरल करण्याची धमकी; भडगाव पोलिसात एका जणाविरुद्ध पोस्को कायद्यांतर्गत गुन्हा दाखल.!!!

भडगाव प्रतिनिधी :-

भडगाव शहरात एक धक्कादायक प्रकार उघडकीस आला असून, एका १६ वर्षीय अल्पवयीन मुलीला शारीरिक संबंध ठेवण्यास जबरदस्ती करणाऱ्या तरुणाने तिच्या इच्छेविरुद्ध अश्लील फोटो काढून ते व्हायरल करण्याची धमकी दिल्याचा प्रकार समोर आला आहे. या प्रकरणी भडगाव पोलिसांनी आरोपीविरुद्ध बाल लैंगिक अत्याचार प्रतिबंधक कायदा (POCSO Act) तसेच भारतीय दंड संहितेतील संबंधित कलमांन्वये गुन्हा दाखल केला आहे.

भडगाव शहरातील एका अल्पवयीन मुलीशी स्थानिक तरुणाची ओळख काही महिन्यांपूर्वी झाली होती. सुरुवातीला त्या तरुणाने प्रेमसंबंधाचे आमिष दाखवत मुलीचा विश्वास संपादन केला. त्यानंतर त्याने मुलीवर शारीरिक संबंध ठेवण्यासाठी दबाव आणला. मात्र मुलीने नकार दिल्यावर त्याने तिच्या इच्छेविरुद्ध अश्लील फोटो मोबाईलमध्ये काढले आणि “हे फोटो सोशल मीडियावर व्हायरल करीन” अशी धमकी दिली.

या घटनेने घाबरलेल्या पीडित मुलीने अखेर आपल्या पालकांना सर्व प्रकार सांगितला. मुलीच्या कुटुंबियांनी तत्काळ भडगाव पोलिस ठाण्यात धाव घेत आरोपीविरुद्ध तक्रार दाखल केली.

तक्रार मिळताच पोलिसांनी त्वरीत गुन्हा नोंदवून तपास सुरू केला आहे.याबाबत दिनेश राजु माळी या संशयित आरोपी विरुद्ध पोस्को कायदा आणि भारतीय न्याय संहिता २०२३ चे कलम ७६,७८,३५१(२), आदी कलमां नुसार गुन्हा दाखल करण्यात आला आहे.याघटने बाबतचा पुढील तपास पोलीस उपनिरीक्षक लक्ष्मी करंकार हे करीत आहेत

भडगाव नगरपरिषद निवडणुकीच्या पार्श्वभूमीवर ‘भडगाव विकास यात्रा’चा शुभारंभ.

आमदार किशोर आप्पा पाटील यांच्या नेतृत्वाखाली उद्या सकाळी श्रीराम मंदिरात नारळ फोडून प्रारंभ.!!!

भडगाव प्रतिनिधी :-

भडगाव शहराच्या सर्वांगीण विकासाचा नवा अध्याय सुरू करण्याच्या दिशेने एक महत्त्वपूर्ण पाऊल म्हणून ‘भडगाव विकास यात्रा’ या उपक्रमाचा शुभारंभ उद्या (दि. १२ नोव्हेंबर २०२५) सकाळी ९.०० वाजता बाजार चौकातील श्रीराम मंदिरात नारळ फोडून होणार आहे. या कार्यक्रमाला आमदार मा. श्री. किशोर आप्पा पाटील यांच्या नेतृत्वाखाली लोकनियुक्त नगराध्यक्षा सौ. रेखा प्रदीप मालचे तसेच नगरपरिषद निवडणुकीतील इतर उमेदवार, पदाधिकारी, मान्यवर व नागरिक मोठ्या संख्येने उपस्थित राहणार आहेत.

भडगावच्या विकासासाठी नवा उपक्रम

‘भडगाव विकास यात्रा’चा मुख्य हेतू शहरातील प्रलंबित व पूर्ण झालेल्या विकासकामांचा आढावा घेणे, नागरिकांशी थेट संवाद साधणे आणि आगामी नगरपरिषद निवडणुकीच्या पार्श्वभूमीवर जनसंपर्क दृढ करणे हा आहे.

या यात्रेतून शहरातील प्रत्येक विभागात प्रचारफेरीच्या स्वरूपात भेट दिली जाणार असून, नागरिकांना विविध शासकीय योजना, सुरु असलेले प्रकल्प आणि नव्या नियोजनाविषयी माहिती देण्यात येईल.

गेल्या काही वर्षांतील विकासाचे चित्र

आमदार किशोर पाटील यांच्या नेतृत्वाखाली गेल्या काही वर्षांत भडगाव शहरात अनेक मूलभूत सुविधा उभारण्यात आल्या आहेत.

रस्ते सुधारणा, पाणीपुरवठा यंत्रणा, शिक्षण व आरोग्य सेवा, तसेच प्रकाशव्यवस्थेतील सुधारणा या क्षेत्रांमध्ये उल्लेखनीय कामगिरी झाल्याचे स्थानिक नागरिक सांगतात.

आता या नव्या यात्रेद्वारे शहराच्या पुढील टप्प्यातील विकासाचे नियोजन ठोस करण्याचा संकल्प आयोजकांनी व्यक्त केला आहे.

नागरिकांचा उत्स्फूर्त प्रतिसाद

‘भडगाव विकास यात्रा’च्या घोषणेनंतर शहरात उत्साहाचे वातावरण निर्माण झाले आहे.

स्थानिक नागरिक, व्यापारी, महिला बचतगट, तरुण कार्यकर्ते आणि विविध समाजघटक या यात्रेत सक्रिय सहभाग घेण्यासाठी उत्सुक आहेत.

“भडगावच्या विकासात आमदार पाटील यांचे योगदान लक्षणीय आहे. या यात्रेमुळे तोच विकास अधिक गती घेईल,” असे मत अनेकांनी व्यक्त केले.

या निमित्ताने नागरिकांना त्यांच्या परिसरातील प्रकल्पांची माहिती मिळेल तसेच त्यांचे प्रश्न आणि अपेक्षा थेट जनप्रतिनिधींपर्यंत पोहोचतील.

उपस्थित राहण्याचे आवाहन

या यात्रेच्या शुभारंभ सोहळ्यास सर्व शिवसैनिक, युवासैनिक, पदाधिकारी आणि भडगावकर नागरिकांनी मोठ्या संख्येने उपस्थित राहावे, असे आवाहन आयोजकांकडून करण्यात आले आहे.

“भडगाव विकास यात्रा ही शहराच्या प्रगतीचा नवा अध्याय ठरेल. या यात्रेतून भडगावच्या भविष्यातील विकासाचे नवे ध्येय निश्चित होईल,” असा विश्वास आयोजकांनी व्यक्त केला आहे.

मुंबई महानगरपालिका निवडणुकीचे आरक्षण जाहीर — महिलांसाठी ११४ वॉर्ड राखीव.!!!

मुंबई (गुरुदत्त वाकदेकर) : मुंबई महानगरपालिका निवडणुकीची आरक्षण सोडत मंगळवार, दिनांक ११ नोव्हेंबर २०२५ रोजी जाहीर करण्यात आली. सकाळी ११ वाजता मुंबई महानगरपालिकेच्यावतीने बालगंधर्व रंगमंदिर, बांद्रा येथे या प्रक्रियेला सुरुवात झाली. अनुसूचित जाती (महिला), अनुसूचित जमाती (महिला), नागरिकांचा मागासवर्ग प्रवर्ग, नागरिकांचा मागासवर्ग प्रवर्ग (महिला) आणि सर्वसाधारण महिलांसाठी आरक्षण निश्चित करण्यासाठी ही सोडत काढण्यात आली.

त्यानुसार, मुंबई महानगरपालिकेच्या एकूण २२७ प्रभागांपैकी ११४ प्रभाग हे महिला उमेदवारांसाठी आरक्षित असतील. अनुसूचित जातींसाठी एकूण १५ वॉर्ड राखीव असून, त्यापैकी ८ वॉर्ड अनुसूचित जातीच्या महिला उमेदवारांसाठी आरक्षित आहेत. अनुसूचित जमातींसाठी २ वॉर्ड राखीव असून, त्यापैकी १ ठिकाणी महिला उमेदवारासाठी आरक्षण निश्चित करण्यात आले आहे. ओबीसी प्रवर्गासाठी ६१ वॉर्ड राखीव असून, त्यापैकी ३१ वॉर्ड महिला ओबीसी उमेदवारांसाठी असतील. तसेच सर्वसाधारण प्रवर्गातील उमेदवारांसाठी १६१ वॉर्ड राखीव असून, त्यामध्ये ३१ सर्वसाधारण महिला उमेदवारांचा समावेश असेल. सर्वसाधारण प्रवर्गातील १४९ वॉर्डांपैकी ७४ वॉर्ड महिलांसाठी राखीव आहेत, अशी माहिती मुंबई महानगरपालिकेचे आयुक्त भूषण गगराणी यांनी दिली. दिनांक १४ नोव्हेंबर ते २० नोव्हेंबर २०२५ रोजी दुपारी ३ वाजेपर्यंत आरक्षणाच्या प्रारूपावर हरकती व सूचना सादर करता येतील. दाखल झालेल्या हरकती व सूचना विचारात घेऊन आरक्षणाची अंतिम अधिसूचना प्रसिद्ध करण्यात येईल.

मुंबई महानगरपालिकेतील अनुसूचित जमातींसाठी राखीव प्रभाग क्रमांक ५३ आणि १२१ आहेत. अनुसूचित जातींसाठी राखीव १५ वॉर्ड अनुक्रमे २६, ९३, १५१, १८६, १४६, १५२, १५५, १४७, १८९, ११८, १८३, २१५, १४१, १३३ आणि १४० असून, त्यापैकी महिलांसाठी राखीव वॉर्ड आहेत – १३३, १८३, १४७, १८६, १५५, ११८, १५१ आणि १८९.

ओबीसी प्रवर्गासाठी राखीव ६१ वॉर्ड क्रमांक पुढीलप्रमाणे आहेत – ७२, ४६, २१६, ३२, ८२, ८५, ४९, १७०, १९, ९१, ६, ६९, १७६, १०, १९८, १९१, १०८, २१९, १२९, ११७, १७१, ११३, ७०, १०५, १२, १९५, ५०, १३७, १, २२६, १३६, ४, १८२, ९५, २२२, ३३, १३८, २७, ४५, १८७, ८०, २२३ आणि १५०. त्यापैकी ओबीसी महिला राखीव वॉर्ड आहेत – ५२, ४६, १५८, १५०, ३३, ६, १२, १६७, ११७, १०८, १२८, ८०, १००, १९, ८२, ४९, ११, १७६, २१६, १९१, १७०, १३, १०५, १९८, ७२, १५३, १२९, १८, १, ३२ आणि २७.

खुल्या सर्वसाधारण महिलांसाठी राखीव वॉर्ड क्रमांक पुढीलप्रमाणे आहेत – २, ८, १४, १५, १६, १७, २४, २८, ३१, ३७, ३८, ३९, ४२, ४४, ५१, ५६, ६१, ६४, ६६, ७१, ७३, ७४, ७७, ७८, ७९, ८१, ८३, ८४, ८८, ९४, ९६, ९७, १०१, १०३, ११०, ११२, ११४, ११५, ११६, १२४, १२६, १२७, १३१, १३२, १३४, १३९, १४२, १४३, १५६, १५७, १६३, १७२, १७३, १७४, १७५, १७७, १७९, १८०, १८४, १९६, १९७, १९९, २०१, २०३, २०५, २०९, २१२, २१३, २१८, २२०, २२४ आणि २२७.

वरीलप्रमाणे आरक्षण सोडतीनुसार महिला, अनुसूचित जाती, अनुसूचित जमाती तसेच मागासवर्गीय उमेदवारांसाठी निश्चित करण्यात आलेल्या प्रभागांचे आरक्षण जाहीर झाले असून, यानंतर हरकती व सूचनांच्या प्रक्रियेअंती अंतिम आरक्षण अधिसूचना प्रसिद्ध केली जाणार आहे.

भाजपचे माजी शहर सरचिटणीस मधुकर महाजन व बंडू महाजन यांचा शिवसेनेत जाहीर प्रवेश.!!!

भडगाव प्रतिनिधी :-

भडगाव शहरातील राजकारणात मोठी हालचाल घडवून आणत भाजपचे माजी शहर सरचिटणीस मधुकर महाजन तसेच कार्यकर्ते बंडू महाजन यांनी आज शिवसेना (शिंदे गट) मध्ये जाहीर प्रवेश केला.

आमदार किशोर आप्पा पाटील यांच्या नेतृत्वावर विश्वास ठेवत हा प्रवेश सोहळा उत्साहात पार पडला.

भडगाव शहरातील शिवसेना कार्यालयात झालेल्या या कार्यक्रमाला आमदार किशोर आप्पा पाटील, शिवसेना जिल्हा प्रमुख रावसाहेब पाटील, युवा शिवसेना जिल्हा प्रमुख लखीचंद पाटील, माजी नगराध्यक्ष शशिकांत येवले, माजी नगराध्यक्ष राजेंद्र पाटील, जहांगीर मालचे, तसेच युवासेना, महिला आघाडी आणि अनेक कार्यकर्ते उपस्थित होते.

कार्यक्रमाच्या सुरुवातीला आमदार पाटील यांच्या हस्ते महाजन बंधूंना शिवबंधन बांधून व पुष्पगुच्छ देऊन स्वागत करण्यात आले.

या प्रसंगी आमदार किशोर आप्पा पाटील म्हणाले —

> “भडगाव तालुक्यात विकासाचा नवा अध्याय सुरू झाला आहे. पक्षाची विचारधारा आणि कार्यपद्धती यावर अनेक कार्यकर्ते समाधानी आहेत. महाजन बंधूंच्या प्रवेशामुळे पक्ष अधिक मजबूत होणार असून स्थानिक विकासकामांना आणखी वेग मिळेल.”

कार्यक्रमात बोलताना मधुकर महाजन म्हणाले

> “शिवसेनेचे नेतृत्व जनतेच्या विकासासाठी प्रामाणिकपणे काम करत आहे. आमदार किशोर आप्पा पाटील यांनी भडगाव तालुक्यातील रस्ते, सिंचन, शिक्षण आणि आरोग्य क्षेत्रात केलेले काम पाहूनच आम्ही पक्षात प्रवेश करण्याचा निर्णय घेतला.”

महाजन बंधूंच्या प्रवेशानंतर शहरातील शिवसेना कार्यकर्त्यांमध्ये उत्साहाचे वातावरण निर्माण झाले. कार्यकर्त्यांनी,त्यांचे स्वागत केले.

नगरपरिषद निवडणुकांच्या पार्श्वभूमीवर झालेला हा प्रवेश राजकीय दृष्ट्या महत्त्वपूर्ण घडामोड मानली जात आहे.

भडगाव नगरपरिषद सार्वत्रिक निवडणूक २०२५ : दुसऱ्या दिवशी अर्जविहीन स्थिती.!!!

भडगाव प्रतिनिधी :-

भडगाव नगरपरिषदेसाठी होणाऱ्या सार्वत्रिक निवडणुकीच्या पार्श्वभूमीवर आज दिनांक ११ नोव्हेंबर २०२५ रोजी नामनिर्देशन पत्र दाखल करण्याचा दुसरा दिवस संपन्न झाला. मात्र, दिवसभरात नगराध्यक्षा तसेच नगरसेवक पदासाठी एकही उमेदवाराने अर्ज दाखल केला नसल्याची माहिती निवडणूक विभागाकडून प्राप्त झाली आहे.

निवडणुकीसाठी प्रशासनाने सर्व तयारी पूर्ण केली असून, उमेदवारांना नामनिर्देशन दाखल करण्यासाठी आवश्यक सुविधा व कागदपत्र तपासणीची व्यवस्था करण्यात आली आहे. तरीही, दुसऱ्या दिवशी एकही अर्ज दाखल न झाल्याने राजकीय वर्तुळात चर्चांना उधाण आले आहे.

नगराध्यक्षा पदासाठी प्राप्त अर्ज : ०

नगरसेवक पदासाठी प्राप्त अर्ज : ०

दरम्यान, येत्या काही दिवसांत विविध पक्ष व अपक्ष उमेदवार आपापली रणनीती आखत असून, पुढील दिवसांत अर्ज दाखल होण्याची शक्यता व्यक्त केली जात आहे. निवडणूक प्रक्रियेनुसार नामनिर्देशन दाखल करण्याची मुदत निश्चित तारखेपर्यंत सुरु राहणार आहे.

भडगाव नगरपरिषदेतील निवडणुकीकडे सर्वांचे लक्ष लागले असून, पहिल्याच दिवशी अर्ज न मिळाल्यामुळे स्पर्धेचे चित्र अजूनही धूसर आहे.

शिवसेना (शिंदे गट) तर्फे मा. नगरसेविका सौ. समीक्षा लखीचंद पाटील पुन्हा रिंगणात.!!!

प्रभाग क्रमांक ८ मध्ये विकास व जनसंपर्काचा दम – मतदारांमध्ये उत्साहाचे वातावरण

भडगाव प्रतिनिधी :-

भडगाव नगरपरिषद निवडणुकीची रणधुमाळी सुरू झाली असून, विविध प्रभागांमधून उमेदवारांची चाचपणी, प्रचाराची तयारी वेग घेत आहे. या पार्श्वभूमीवर शिवसेना (शिंदे गट) तर्फे विद्यमान नगरसेविका मा. सौ. समीक्षा लखीचंद पाटील यांनी प्रभाग क्रमांक ८ मधून पुन्हा एकदा निवडणुकीच्या रिंगणात उतरण्याची घोषणा केली आहे.

कार्यकाळात विकासकामांचा ठसा उमटवणाऱ्या समीक्षा पाटील या प्रभागातील लोकप्रिय नगरसेविका मानल्या जातात. त्यांनी रस्ते काँक्रीटीकरण, पिण्याच्या पाण्याच्या टाक्या, स्वच्छता उपक्रम, जलनिकासी नाले बांधकाम, तसेच महिलांच्या बचतगटांच्या माध्यमातून आर्थिक स्वावलंबनासाठी केलेले प्रयत्न यामुळे मतदारांमध्ये त्यांचा प्रभाव वाढला आहे.

भडगाव शहरात महिला नेत्या म्हणून त्यांनी आपली वेगळी ओळख निर्माण केली आहे. नागरिकांशी सतत संपर्क ठेवून, छोट्या-मोठ्या समस्या सोडवण्यासाठी त्या स्वतः पुढाकार घेतात. प्रभागातील सर्वच समाजघटकांशी त्यांनी दृढ संबंध राखले असून, सर्वांना बरोबर घेऊन जाण्याची त्यांची भूमिका राहिली आहे.

समीक्षा पाटील यांच्या उमेदवारीमुळे प्रभाग क्रमांक ८ मध्ये शिवसेना (शिंदे गट) कार्यकर्त्यांमध्ये नवउत्साह निर्माण झाला आहे. “शहरात विकास करायचा असेल तर समीक्षा ताईंसारख्या कर्मयोगी लोकप्रतिनिधीची गरज आहे,” असे मत स्थानिक नागरिकांनी व्यक्त केले.

दरम्यान, त्यांच्या उमेदवारीची अधिकृत घोषणा शिवसेना (शिंदे गट) तर्फे येत्या काही दिवसांत होणार असून, प्रचाराचा शुभारंभ भव्य जनसंपर्क यात्रेने करण्यात येणार आहे. पक्षाचे पदाधिकारी आणि कार्यकर्ते मोठ्या संख्येने तयारीला लागले आहेत.

भडगावच्या राजकारणात नव्या नेतृत्वाची चाहूल; भाजपाचे इच्छुक उमेदवार भारतीताई रवींद्र सोनावणे एक आश्वासक चेहरा.?

भडगाव प्रतिनिधी :-

नगरपालिकेच्या लोकनियुक्त नगराध्यक्ष पदासाठी यंदा अनुसूचित जाती (एस.टी.) आरक्षण लागू झाल्याने स्थानिक राजकीय समीकरणात मोठी हालचाल दिसून येत आहे. प्रत्येक पक्ष, गट आणि स्थानिक पॅनेल या निवडणुकीसाठी सज्ज होत असून, नागरिकांमध्ये उत्सुकता निर्माण झाली आहे. या पार्श्वभूमीवर भाजपाचे इच्छुक उमेदवार भारतीताई रवींद्र सोनावणे या नावाने भडगावच्या राजकीय व सामाजिक वर्तुळात चांगली चर्चा सुरू झाली आहे.

समाजकार्यातून राजकारणाकडे

भारतीताई या केवळ राजकारणासाठी उमेदवारी दाखल करणाऱ्या व्यक्ती नाहीत, तर समाजकार्य हेच राजकारणाचे खरे मूळ असावे, असा विश्वास ठेवणाऱ्या कार्यकर्त्या आहेत. गेल्या अनेक वर्षांपासून त्यांनी महिलांच्या प्रश्नांवर, शैक्षणिक क्षेत्रात, तसेच सर्वसामान्य नागरिकांच्या समस्यांवर सक्रिय भूमिका बजावली आहे.

त्यांचे पती रवींद्र सोनावणे हे देखील भडगाव शहरातील एक परिचित समाजसेवक नाव आहे. विविध सामाजिक उपक्रम, रक्तदान शिबिरे, विद्यार्थ्यांना शैक्षणिक मदत, तसेच गरीब घटकांना न्याय मिळवून देण्यासाठी त्यांनी केलेले प्रयत्न जनतेच्या लक्षात राहिले आहेत. या सर्व कार्यामुळे सोनावणे दाम्पत्याचा नागरिकांशी घट्ट संवाद निर्माण झाला आहे.

जनसंपर्क आणि विश्वास

राजकारणात जनसंपर्क हा सर्वात मोठा भांडवल असतो. परंतु, तो फक्त “ओळख” नसून “विश्वासाचा पूल” असतो. भारतीताईंच्या उमेदवारीबाबत विशेष म्हणजे — लोक त्यांना केवळ एक उमेदवार म्हणून पाहत नाहीत, तर एक ओळखीचा, विश्वासार्ह चेहरा म्हणून स्वीकारतात. हा विश्वास निवडणुकीत निर्णायक ठरू शकतो.

महिला नेतृत्वाची नवी दिशा

नगरपालिकांसारख्या स्थानिक स्वराज्य संस्थांमध्ये महिला नेतृत्वाची वाढ ही लोकशाहीच्या आरोग्यासाठी अत्यंत महत्त्वाची आहे. महिला नेतृत्वात सहानुभूती, पारदर्शकता आणि समाजकेंद्रित दृष्टी असते. भारतीताई या गुणांनी सज्ज असल्याचे त्यांच्या कार्यातून दिसून येते. जर त्या नगराध्यक्षपदावर विराजमान झाल्या, तर नागरिकांशी संवाद वाढविणे, महिला सक्षमीकरण, तसेच आरोग्य, स्वच्छता आणि शिक्षण या क्षेत्रात ठोस बदल घडवून आणण्याची अपेक्षा करता येईल.

राजकारणात सेवाभाव हवा

आजच्या काळात मतदार अधिक जागरूक झाले आहेत. त्यांना नेत्यांकडून आश्वासनांपेक्षा कृती, निधीपेक्षा पारदर्शकता आणि पक्षनिष्ठेपेक्षा शहरविकास महत्त्वाचा वाटतो. म्हणूनच, समाजकार्यातून तयार झालेले नेतृत्व हे शहरासाठी लाभदायक ठरते. भारतीताई सोनावणे या जर आपला समाजसेवेचा दृष्टीकोन आणि विकासाच्या योजना यांचा समन्वय साधू शकल्या, तर भडगाव नगरपरिषदेला एक नवे, सक्षम आणि संवेदनशील नेतृत्व मिळू शकते.

आगामी निवडणूक — विकासाची संधी

नगराध्यक्षपद हे केवळ प्रतिष्ठेचे नव्हे, तर जबाबदारीचे पद आहे. शहरातील मूलभूत सोयी, पायाभूत सुविधा, पाणीपुरवठा, रस्ते, स्वच्छता आणि युवकांसाठी रोजगारसंधी या सर्व क्षेत्रात ठोस काम करावे लागते. भडगावच्या नागरिकांना आता अशी व्यक्ती हवी आहे जी केवळ राजकीय निष्ठेने नव्हे, तर सामाजिक बांधिलकीने हे काम पार पाडेल.

भडगाव शहराच्या पुढील विकासासाठी नेतृत्वातील बदल आवश्यक आहे. तो बदल जर सेवाभाव, प्रामाणिकता आणि पारदर्शकतेच्या रूपात आला, तर शहराची दिशा आणि ओळख दोन्ही बदलू शकतात. भारतीताई रवींद्र सोनावणे यांचे नाव या नव्या बदलाचे प्रतीक ठरू शकते — जनतेच्या विश्वासातून उभे राहिलेले एक नेतृत्व.

आपल्या हक्काचा माणूस — आपल्या कामाचा माणूस.जनतेच्या सेवेसाठी सदैव तत्पर — लखीचंद प्रकाश पाटील (भडगाव – प्रभाग क्र. ६)

भडगाव प्रतिनिधी :-

भडगाव शहरातील प्रभाग क्र. ६ मध्ये जनतेचा विश्वास संपादन करणारे समाजसेवक लखीचंद प्रकाश पाटील हे गेल्या अनेक वर्षांपासून जनतेच्या प्रश्नांवर आवाज उठवत असून, सामान्य नागरिकांच्या अडचणी सोडविण्या साठी सदैव पुढाकार घेत आहेत. “आपल्या हक्काचा माणूस — आपल्या कामाचा माणूस” हे त्यांचे घोषवाक्य केवळ शब्दांत नसून कृतीतून दिसून येते.

स्थानिक भागातील पाणीपुरवठा, रस्त्यांची दुरवस्था, स्वच्छता, तसेच वयोवृद्ध आणि महिलांच्या कल्याणासाठी त्यांनी केलेली कामगिरी उल्लेखनीय आहे. अनेक वेळा नगरपरिषदेच्या कार्यालयात नागरिकांच्या तक्रारी मांडून त्यांच्या प्रश्नांना न्याय मिळवून दिला आहे.

त्यांच्या जनसंपर्कात साधेपणा, लोकाभिमुख दृष्टीकोन आणि पारदर्शकता दिसून येते. प्रभागातील तरुणांना रोजगार मार्गदर्शन, तसेच शैक्षणिक क्षेत्रात मदत यासाठी त्यांनी पुढाकार घेतला आहे.

स्थानिक नागरिक सांगतात की, “लखीचंद पाटील हे आमच्या प्रत्येक समस्येच्या वेळी पहिल्यांदा धावून येतात. त्यांच्या संपर्कात राहणे म्हणजेच कामाला गती मिळणे.”

आगामी काळात आपल्या प्रभागाचा सर्वांगीण विकास साधण्यासाठी त्यांनी ठोस नियोजन तयार केले असून,“जनतेच्या सेवेसाठी सदैव तत्पर राहणार” अशी ग्वाही त्यांनी दिली आहे.