मांडकी शिवारात बिबटयाचे झाले दर्शन.चौधरी कुटुंबाची उडाली भंबेरी.!!!
भडगाव प्रतिनिधी :—
भडगाव तालुक्यातील मांडकी शिवारात दि.८ रोजी सायंकाळी ६.४५ वाजता मांडकी येथील श्री. संत बाळु मामा मंदिराचे पुजारी सुभाष धनराज चौधरी यांचेसह परीवार चारचाकी गाडीने गावात जात असतांना रस्त्यावरुन बिबटया जातांना बिबटयाचे दर्शन झाले. बिबटया पहाताच चौधरी कुटुंबातील सदस्यांची घबराहट पसरुन भंबेरी उडाली होती. तात्काळ गाडीचे काच बंद करुन घटनास्थळावरुन गाडी भरधाव वेगाने काढली. परीसरात बिबटया वावरत असल्याने शेतकरी, नागरीकांमध्ये भितीचे वातावरण पसरलेले आहे. तरी वनविभागाने या बिबटयाचा तात्काळ बंदोबस्त करावा. नागरीकांची भिती कमी करावी अशी मागणी मांडकी परीसरातील नागरीकातुन होतांना दिसत आहे.
Recent Comments