शिंदेसेनेचा स्वबळाचा निर्धार; भाजपवर आमदार किशोर आप्पा पाटील यांचा थेट हल्ला.!!!

शिंदेसेनेचा स्वबळाचा निर्धार; भाजपवर आमदार किशोर आप्पा पाटील यांचा थेट हल्ला.!!!

“गेल्या वर्षभरात सरकारकडून एक रुपयाचाही निधी नाही” — आमदार किशोर पाटील

पाचोरा प्रतिनिधी :-

पाचोरा-भडगाव मतदारसंघातील राजकारण पुन्हा तापले आहे. “भाजपची गद्दारी विसरलेली नाही; यापुढे सर्व निवडणुका शिंदेसेना स्वबळावर लढवेल,”असे स्पष्ट विधान करत आमदार किशोर आप्पा पाटील यांनी भाजपवर जोरदार टीका केली. त्यांच्या या वक्तव्याने सत्ताधारी शिंदेसेना-भाजप आघाडीत तणावाचे नवे वारे वाहू लागले आहेत.

भाजपवर आरोप, निधीअभावी विकासकामे ठप्प

पाचोर्यातील कृषी उत्पन्न बाजार समितीच्या प्रांगणात झालेल्या “निर्धार मेळाव्या”त पाटील यांनी राज्य सरकार आणि भाजपवर थेट आरोप केले.

“गेल्या एक वर्षात सरकारकडून एक रुपयाचाही निधी मिळालेला नाही. मतदारसंघातील विकासकामे निधीअभावी थांबली आहेत,”असे ते म्हणाले.

शिदेसेना सत्तेत असतानाही निधी न मिळाल्याचा पाटील यांचा आरोप स्थानिक पातळीवरील नाराजी अधिक वाढवणारा ठरला आहे.

शेतकऱ्यांच्या प्रश्नांवर सरकारला फैलावर

अतिवृष्टी, पीकविमा रद्द, नुकसानभरपाई या मुद्द्यांवर आमदार पाटील यांनी सरकारवर ताशेरे ओढले.

“शेतकऱ्यांना तातडीची कर्जमाफी आणि मदत मिळाली पाहिजे,”असे ते म्हणाले.बच्चू कडू यांच्या सुरू असलेल्या आंदोलनाला त्यांनी पाठिंबा देत “शेतकऱ्यांच्या प्रश्नांवर शांत बसणार नाही,” अशी भूमिका जाहीर केली. यामुळे सत्ताधारी गटातील असंतोष अधिक ठळक झाला आहे.

“भाजपने गद्दारी केली, त्यामुळे शिंदेसेना आता स्वबळावर लढेल,” असे जाहीर करत पाटील यांनी कार्यकर्त्यांना सज्ज राहण्याचे आवाहन केले.

“पक्षाच्या उमेदवारांविरुद्ध काम करणाऱ्यांना गय केली जाणार नाही,”

असा इशाराही त्यांनी दिला.

या मेळाव्यात शिव सेनेचे कार्यकर्ते मोठ्या संख्येने उपस्थित होते. आगामी स्थानिक स्वराज्य निवडणुकांसाठी शिव सेना सज्ज होत असल्याचे संकेत या घोषणेतून मिळाले. पाचोरा नगराध्यक्ष पदा साठी सुनीता किशोर आप्पा पाटील यांच्या संभाव्य उमेदवारीचाही उल्लेख करण्यात आला.

भाजप-शिवसेनेतील ताणतणाव उफाळला

शिव सेना आणि भाजपमधील संबंध गेल्या काही महिन्यांपासून ताणलेले आहेत. मुख्यमंत्री एकनाथ शिंदे यांच्या नेतृत्वाखालील सेनेला सत्तेत सहभागी करून घेतल्यानंतरही काही जिल्ह्यांत निधी वितरणात भाजपचा वरचष्मा असल्याची नाराजी व्यक्त होत आहे.

राजकीय निरीक्षकांच्या मते, पाचोरा-भडगाव मतदारसंघातील आमदार किशोर आप्पा पाटील यांची नाराजी म्हणजे सत्तासहभागातील अंतर्गत मतभेदाचे प्रतिबिंब आहे.

नवे चेहरे, पक्षविस्ताराचा प्रयत्न

या मेळाव्यात भाजप आणि उद्धवसेनेतील अनेक कार्यकर्त्यांनी शिवसेनेत प्रवेश केला. आमदार आप्पा पाटील यांनी नव्या कार्यकर्त्यांचे स्वागत करत सांगितले,

 “शिव सेनेतच जनतेचा खरा विश्वास आहे. आम्ही जनतेच्या प्रश्नांवर लढतो, खुर्चीसाठी नव्हे.”

स्थानिक पातळीवर शिवसेनेचा विस्तार वाढवून स्वतंत्र ओळख निर्माण करण्याचा प्रयत्न असल्याचे स्पष्ट झाले.

स्वबळाच्या निर्धाराकडे राज्याचे लक्ष

आमदार किशोर आप्पा पाटील यांचा स्वबळाचा निर्धार केवळ स्थानिक असंतोष नव्हे, तर राज्यातील सत्ता समीकरणालाही धक्का देणारा ठरू शकतो.

जर शिवसेनेने खरोखरच सर्व निवडणुका स्वबळावर लढवल्या आणि जनतेचा प्रतिसाद मिळाला, तर इतर जिल्ह्यांतही या घोषणेचा परिणाम दिसू शकतो.

राजकीय विश्लेषकांच्या मते,

“पाचोरा-भडगाव हा मतदारसंघ शिव सेनेच्या नव्या प्रयोगाचा केंद्रबिंदू ठरू शकतो.”

जनतेच्या विश्वासावरच पुढील वाटचाल

किशोर आप्पा पाटील यांचा “स्वबळ” हा आत्मसन्मानाचा संदेश आहे.परंतु घोषणांपेक्षा कृतीवरच मतदारांचा विश्वास बसतो.

आता पाहावे लागेल की हा निर्धार केवळ भाषणापुरता राहतो की शिव सेनेच्या नव्या उभारणीचा पाया ठरतो.