भारतीय जनता पार्टीचे कजगाव व भडगाव मंडल अध्यक्ष घोषित.!!!
भडगाव-भारतीय जनता पार्टीचे संघटनपर्व अंतर्गत कजगाव मंडलाच्या अध्यक्षपदी श्री. अनिल मुरलीधर पाटील(वडजी) तर भडगाव मंडलाच्या अध्यक्षपदी श्री. प्रमोद देविदास पाटील (भडगाव पेठ) यांची निवड निवडणूक निर्णय अधिकारी श्री.नाना सुकदेव पाटील(पारोळा), सहाय्यक निवडणूक अधिकारी श्री. शितल देशमुख(अमळनेर) यांनी घोषित केली.
सदर निवड हि भडगाव येथील शासकीय विश्रामगृहाच्या सभागृहात पार पडली. याप्रसंगी तालुक्यातील सर्व कार्यकर्ते उपस्थित होते. बैठकिचे सूत्रसंचलन सरचिटणीस विनोद नेरकर यांनी केले. याप्रसंगी पहेलगाम येथील अतिरेकी हल्ल्यात मृत्युमुखी पडलेल्या सर्व हिंदू बांधवांना तसेच माजी जि.प.सदस्य श्रावणतात्या लिंडायत यांच्या पत्नी स्व. सुनंदाताईंना सामुहिक श्रद्धांजली अर्पण करण्यात आली.
संघटनपर्व अंतर्गत संपूर्ण महाराष्ट्रात प्राथमिक सदस्य,सक्रिय सदस्य नोंदणी,बुथसमिती गठन करण्याची प्रक्रिया जानेवारीपासून सुरू होती. त्यातीलच मंडल अध्यक्ष निवड हा महत्त्वपूर्ण टप्पा होता. संपूर्ण महाराष्ट्रात एकाच पद्धतीने मंडल अध्यक्षांची निवडणूक प्रक्रिया पार पडली.
श्री.अनिल पाटील हे महाविद्यालयीन जीवनापासून अभाविपच्या कामात सक्रिय होते. १५ वर्षापासून भाजपात विविध जबाबदाऱ्या त्यांनी पार पाडल्या असून सलग तीन टर्म सरचिटणीस म्हणून कार्यरत होते. तर श्री. प्रमोद देविदास पाटील हे पण विद्यार्थी दशेपासून अभाविप कामात सक्रिय होते. बुथप्रमुख,शक्तीकेंद्रप्रमुख, युवा मोर्चा तालुका सरचिटणीस,भाजपा शहर सरचिटणीस म्हणूनही त्यांनी काम केले आहे. अतिशय सर्वसामान्य कुटुंबातील,कोणतीही राजकिय पार्श्वभूमी नसलेले पक्षाशी प्रामाणिक आणि निष्ठावान कार्यकर्त्यांना अध्यक्षपदी संधी मिळाल्याबद्दल सर्व स्तरातून त्यांचे अभिनंदन होत आहे.
सदर निवडीबद्दल महाराष्ट्राचे संकटमोचक मंत्री मा.ना.गिरीषभाऊ महाजन, खासदार श्रीमती स्मिताताई वाघ, संघटनमंत्री श्री. रविजी अनासपुरे,आमदार श्री.मंगेशदादा चव्हाण, प्रदेश सरचिटणीस श्री.विजयजी चौधरी,जिल्हाध्यक्ष श्री.ज्ञानेश्वरजी जळकेकर महाराज, जिल्हा निवडणूक अधिकारी श्री.नंदुभाऊ महाजन, डॉ.राधेश्याम चौधरी, जिल्हा उपाध्यक्ष श्री.मधुकर काटे, माजी सभापती श्री.सुभाष पाटील,प्रदेश कार्यकारीणी निमंत्रित सदस्य श्री. अमोल नाना पाटील, यांनी नवनियुक्त मंडल अध्यक्षांचे अभिनंदन केले.