लाडकुबाई प्राथमिक विद्यामंदिर येथे साधनाई कलाविष्कार महोत्सव जल्लोषात साजरा.!!!
भडगाव प्रतिनिधी :-
कर्मवीर तात्यासाहेब हरी रावजी पाटील किसान शिक्षण संस्था संचलित, लाडकुबाई प्राथमिक विद्यामंदिर आणि लाडकुबाई पूर्व प्राथमिक येथे चिमुकल्यांचा साधनाई कलाविष्कार महोत्सव जल्लोष साजरा झाला.
या अतिशय सुंदर झालेल्या कार्यक्रमासाठी संस्थेचे चेअरमन माननीय नानासो. प्रतापराव हरी पाटील संचालक जिल्हा बँक, जळगाव, सुप्रसिद्ध खान्देश रील स्टार श्री अशोक पाटील महिंदळे, बाळद बु चे उपसरपंच श्री सचिन सोमवंशी, शाळेचे मुख्याध्यापक श्री.कमलेश शिंदे , संस्थेतील विविध शाखांचे मुख्याध्यापक यात श्रीमती वैशालीताई पाटील मॅडम, श्री अनिल पवार प्राध्यापक श्री अतुल देशमुख, वाय.ई.पाटील, पी. जी. सोनवणे , न्यू इंग्लिश मेडियम स्कूल च्या प्रिन्सिपल श्रीमती विद्या पवार मॅडम, श्री.विलास पाटील सर ,श्री.अभिजीत सिसोदे सर , श्री.एस.पी.पाटील सर, माता पालक संघाचे सदस्य सौ कल्पना तायडे, कविता पाटील या प्रमुख मान्यवरांची सदर कौतुक सोहळ्यास उपस्थिती लाभली. बहुरंगी अशा कार्यक्रमाला चिमुकल्यांचा प्रचंड उत्साह दिसून आला.
बालरंग हस्तलिखित प्रकाशन सोहळा
साधनाई कलाविष्कार महोत्सवा अंतर्गत बालरंग या हस्तलिखिताचे प्रकाशन संस्थेचे चेअरमन माननीय नानासाहेब प्रतापराव हरि पाटील आणि खान्देश रील स्टार श्री अशोक पाटील या मान्यवरांच्या हस्ते करण्यात आले.
आदर्श विद्यार्थ्यांचा स्मृतिचिन्ह देऊन गौरव
प्रमुख मान्यवरांच्या हस्ते लाडकुबाई प्राथमिक विद्यामंदिर , पूर्व प्राथमिक येथील विद्यार्थ्यांना आदर्श विद्यार्थी पुरस्काराचे वितरण करण्यात आले. स्मृतिचिन्ह देऊन विद्यार्थी व त्याच्या पालकांचा गौरव करण्यात आला. किर्ती गणेश महाजन, लावण्या ललित पाटील, रितू ज्ञानेश्वर पाटील हर्षाली किरण महाजन , चेतना गोकुळ पाटील, मनस्वी अभिजित शिसोदे, सोहम गणेश पाटील, चिन्मय विवेक जकातदार , लाडकुबाई पूर्व प्राथमिक गटातून ज्यूनिअर.ची विद्यार्थीनी जान्हवी प्रकाश महाजन, सिनिअर.ची विद्यार्थीनी अनुष्का राहुल देसले या विद्यार्थ्यांना आदर्श विद्यार्थी पुरस्कार देण्यात आला. तसेच आमच्या संस्थेच्या संचालिका आणि आमच्या सर्वांच्या मातृतुल्य स्व. सौ साधनाताई यांच्या पुणयतिथीनिमित्त आंतरशालेय रंगोत्सव स्पर्धा आयोजित करण्यात आली होती त्यातील विजेते स्पर्धक पहिला गट प्रथम अनशरा मिर्झा, द्वितीय गौरव परदेशी दुसरा गट प्रथम पूर्वा मिस्तरी, द्वितीय ममता पाटील या बहुरंगी कार्यक्रमाच्या माध्यमातून विद्यार्थ्यांच्या अंगी दडलेल्या सुप्त गुणांचे दर्शन घडून आले. अत्यंत सुरेख असा नृत्यविष्कार सादर करून विद्यार्थ्यांनी प्रेक्षकांची वाहवा मिळवली. एकूण 192 विद्यार्थ्यांनी सदर नृत्यविष्कारामध्ये सहभाग नोंदवला. सर्व मान्यवरांचे विशेष सहकार्य लाभले.
रोमहर्षक नृत्यविष्कार
गणेश वंदना , लुंगी डान्स, शिव तांडव, रखुमाई, पुष्पा 2 आस्ते कदम, हृदयी वसंत, इतीसी हसी, मोबाईल बुरी बला, पुणेरी मैना, कोळीगीत,झुबी झूबी , राजा तू, गलतीसे मिस्टेक, वाडी वाडी ये, काळी बिंदी, ओ देश मेरे, गुलाबी साडी या गाण्यांवर आकर्षक,रोमहर्षक, सुरेख असा नृत्यविष्कार विद्यार्थ्यांनी सादर केला. तसेच आमच्या शाळेतील इयत्ता चौथी चा विद्यार्थी सोहम गणेश पाटील याने ढोलकी वाजवण्याची कला सादर करून सर्व उपस्थितांची मने जिंकली वाहवा मिळवली संस्थेचे चेअरमन मा .नानासाहेब यांनी आपल्या मनोगतात शाळेच्या विविध उपक्रमाचे कौतुक केले. जळगाव जिल्ह्यातील नामांकित शाळा म्हणून लाडकुबाई शाळेने मिळवलेल्या यशाचे भरभरून कौतुक केले
खान्देश रिल स्टार श्री अशोक पाटील रा. महिंदळे,तालुका भडगाव यांचा शाळेच्या वतीने सन्मान करण्यात आला त्यात त्यांना संस्थेने प्रकाशित केलेले किसान मासिक व शाळेची आठवण म्हणून स्मृति चिन्ह देण्यात आले
श्री अशोक पाटील यांनी आपल्या मनोगतात खान्देश संस्कृती आणि परंपरा, स्वतः जीवन प्रवास, तसेच खान्देश रील स्टार म्हणून ते कसे नावारूपास आले अशा त्यांच्या भावना व्यक्त केल्या . विद्यार्थी, आणि पालक यांच्या आग्रहास्तव थोडे सुख भेटू हे आपले स्वतः चे गाणे रंगमंचावर सादर केले आणि प्रेक्षकांची वाहवा मिळवली.
प्रास्ताविक शाळेचे मुख्याध्यापक श्री कमलेशजी शिंदे सर यांनी केले. तर सूत्रसंचालन श्री सचिन पाटील आणि किरण पाटील यांनी केले. शाळेचे मुख्याध्यापक श्री कमलेश शिंदे सर यांच्या मार्गदर्शनाखाली सदर कार्यक्रम संपन्न झाला. शाळेतील श्रीमती संगीता शेलार, सुनिता देवरे, अनिता सैंदाणे, श्री सचिन पाटील , ज्ञानेश्वर गांगुर्डे,अनंत हिरे,सुयोग पाटील, हरिश्चंद्र पाटील ,किरण पाटील लाडकुबाई पूर्व प्राथमिक च्या मुख्याध्यापिका सौ वैशाली कासार, गायत्री सोनार शिक्षकेतर कर्मचारी चंद्रकांत पाटील यांनी कार्यक्रमाच्या यशस्वीतेसाठी परिश्रम घेतले.
