कार्यसम्राट आमदार किशोरआप्पा पाटील यांच्या नेतृत्वावर विश्वास; भाजप युवा मोर्चा पदाधिकाऱ्यांचा शिवसेनेत प्रवेश.!!!
भडगाव प्रतिनिधी :-
मतदारसंघातील विकासकामे आणि जनहिताभिमुख नेतृत्वावर विश्वास व्यक्त करत भाजप युवा मोर्चाचे उपजिल्हाध्यक्ष विकास महाजन तसेच नरेंद्र सूर्यवंशी यांनी शिवसेना (शिंदे गट) मध्ये जाहीर प्रवेश केला.
आयोजित पक्षप्रवेश कार्यक्रमात शिवसेना पदाधिकाऱ्यांच्या उपस्थितीत त्यांचे पक्षात स्वागत करण्यात आले. यावेळी नव्याने प्रवेश केलेल्या कार्यकर्त्यांनी आमदार किशोरआप्पा पाटील यांच्या विकासाभिमुख कार्यपद्धतीमुळे प्रेरित होऊन शिवसेनेत प्रवेश करण्याचा निर्णय घेतल्याचे सांगितले.
मतदारसंघातील रस्ते, पाणीपुरवठा, विविध विकासकामे तसेच सर्वसामान्यांच्या प्रश्नांसाठी आमदार किशोरआप्पा पाटील यांनी सातत्याने केलेल्या पाठपुराव्यामुळे तरुणांमध्ये त्यांच्या नेतृत्वाबद्दल विश्वास निर्माण झाला असून, विकासाच्या प्रवाहात सहभागी होण्यासाठी शिवसेनेत प्रवेश केल्याची भावना यावेळी व्यक्त करण्यात आली.
या पक्षप्रवेश कार्यक्रमास गटनेते लखीचंद पाटील, नगरसेवक जितेंद्र आचारी, सुधाकर पाटील, महेंद्र ततार, रविंद्र पाटील, नितीन महाजन, सचिन पाटील, कुणाल पाटील यांच्यासह शिवसेनेचे पदाधिकारी, कार्यकर्ते आणि समर्थक मोठ्या संख्येने उपस्थित होते.
या पक्षप्रवेशामुळे भडगाव शहर व परिसरातील शिवसेना संघटनेला अधिक बळ मिळणार असल्याची चर्चा राजकीय वर्तुळात सुरू असून, आगामी काळात आणखी अनेक कार्यकर्ते शिवसेनेत प्रवेश करण्याच्या तयारीत असल्याचे बोलले जात आहे.
