कजगावच्या नेहा ललवाणीची प्रथम क्रमांकाची कामगिरी; ९६.७१ टक्के गुणांसह घवघवीत यश.!!!

कजगावच्या नेहा ललवाणीची प्रथम क्रमांकाची कामगिरी; ९६.७१ टक्के गुणांसह घवघवीत यश.!!!

भडगाव ता प्रतिनिधी :अमीन पिंजार

कजगाव येथील कु. नेहा स्वप्नील ललवाणी हिने महाराष्ट्र राज्य तंत्र शिक्षण परीक्षा मंडळ, मुंबई यांच्या वतीने घेण्यात आलेल्या सन २०२६ च्या उन्हाळी परीक्षेत संगणक अभियांत्रिकी (कॉम्प्युटर इंजिनिअरिंग) अभ्यासक्रमाच्या तृतीय वर्षात ९६.७१ टक्के गुण मिळवत प्रथम क्रमांक पटकावला आहे. तिच्या या उल्लेखनीय यशामुळे कजगाव परिसरात आनंदाचे वातावरण निर्माण झाले आहे.

नेहा ही चांदवड येथील नेमिनाथ जैन ब्रह्मचर्याश्रम संचलित श्री हिरालाल हस्तीमल जैन तंत्रनिकेतनची गुणवंत विद्यार्थिनी असून तिने सातत्यपूर्ण अभ्यास, कठोर परिश्रम आणि जिद्दीच्या बळावर हे यश संपादन केले आहे. तिच्या उज्ज्वल यशामुळे महाविद्यालयासह कुटुंबीयांचा गौरव वाढला आहे.

नेहा ही कजगाव येथील नवकार मेडिकलचे संचालक स्वप्नील ललवाणी यांची कन्या तसेच ज्येष्ठ पत्रकार प्रमोद ललवाणी यांची नात आहे. तिच्या यशामुळे संपूर्ण कुटुंबाचा मान उंचावला असून कजगावच्या शैक्षणिक परंपरेत आणखी एक मानाचा तुरा रोवला गेला आहे.

तिच्या या यशाबद्दल ग्रामस्थ, व्यापारी वर्ग, शैक्षणिक संस्था, सामाजिक संघटना तसेच विविध क्षेत्रातील मान्यवरांकडून अभिनंदनाचा वर्षाव होत आहे. भविष्यात उच्च शिक्षण घेऊन संगणक अभियांत्रिकी क्षेत्रात उल्लेखनीय कामगिरी करावी व कजगावचे नाव राज्यभर उज्ज्वल करावे, अशा शुभेच्छा तिला देण्यात येत आहेत.

नेहाची ही यशोगाथा परिसरातील विद्यार्थ्यांसाठी प्रेरणादायी ठरत असून जिद्द, चिकाटी आणि मेहनतीच्या जोरावर यशाचे शिखर गाठता येते, याचे उत्तम उदाहरण तिने घालून दिले आहे.