डॉ. प्राजक्ता देशमुख व डॉ. शारदा शिरोळे लिखित ‘कचरा व्यवस्थापन’ या पुस्तकाचे प्रकाशन
भडगाव प्रतिनिधी :-
बुद्ध पौर्णिमेच्या पर्वावर तसेच महाराष्ट्र दिन व कामगार दिनाचे औचित्य साधून पाचोरा तालुका सहकारी शिक्षण संस्था संचलित भडगाव येथील सौ. रजनीताई नानासाहेब देशमुख कला, वाणिज्य व विज्ञान महाविद्यालयाच्या रसायनशास्त्र विभागातील डॉ. प्राजक्ता विजयकुमार देशमुख आणि पाचोरा येथील श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालयाच्या रसायनशास्त्र विभागातील डॉ. शारदा दशरथ शिरोळे लिखित ‘कचरा व्यवस्थापन (Waste Management)’ या पुस्तकाचे प्रकाशन पार पडले. पाचोरा तालुका सहकारी शिक्षण संस्थेचे चेअरमन संजय ओंकार वाघ यांच्या शुभहस्ते पुस्तक प्रकाशन संपन्न झाले. याप्रसंगी संस्थेचे व्हाईस चेअरमन तथा कवयित्री बहिणाबाई चौधरी उत्तर महाराष्ट्र विद्यापीठाचे अधिसभा सदस्य व्ही.टी. जोशी यांची प्रमुख उपस्थिती होती.
नवीन शैक्षणिक धोरण – 2020 (NEP- 2020)नुसार द्वितीय वर्ष कला, वाणिज्य व विज्ञान वर्गांच्या मुक्त वैकल्पिक विषयांच्या (Open Elective) अभ्यासक्रमावर हे पुस्तक आधारित आहे. महाराष्ट्र लोकसेवा आयोगाच्या परीक्षांचा अभ्यास करणाऱ्या विद्यार्थ्यांसाठीसुद्धा हे पुस्तक उपयुक्त आहे.
यावेळी पाचोरा महाविद्यालयाचे उपप्राचार्य प्रा. डॉ.जे.व्ही. पाटील, सौ. रजनीताई नानासाहेब देशमुख कला, वाणिज्य व विज्ञान महाविद्यालयाचे मराठी विभागप्रमुख डॉ. अतुल देशमुख, एरंडोल महाविद्यालयाचे प्रा. योगेश सूर्यवंशी, गो. से. हायस्कूलचे सेवानिवृत्त पर्यवेक्षक शांताराम चौधरी उपस्थित होते.
पाचोरा तालुका सहकारी शिक्षण संस्थेचे अध्यक्ष व माजी आमदार दिलीप ओंकार वाघ, मानद सचिव ॲड. महेश सदाशिवराव देशमुख, सौ. रजनीताई नानासाहेब देशमुख कला, वाणिज्य व विज्ञान महाविद्यालयाचे प्राचार्य डॉ. एन. एन. गायकवाड व श्री शेठ मुरलीधरजी मानसिंगका साहित्य, विज्ञान व वाणिज्य महाविद्यालयाचे प्राचार्य प्रा. डॉ. वासुदेव वले, सर्व प्राध्यापक व प्राध्यापकेतर कर्मचारी यांनी डॉ. प्राजक्ता देशमुख व डॉ. शारदा शिरोळे यांचे पुस्तक प्रकाशनानिमित्त अभिनंदन केले.
