साप्ताहिक सूक्ष्मलोक वृत्तपत्राचा प्रकाशन सोहळा संपन्न.!!!
भडगाव प्रतिनिधी :-
महाराष्ट्र दिनाच्या निमित्ताने दिनांक १ मे रोजी साप्ताहिक सूक्ष्मलोक या वृत्तपत्राचा भव्य प्रकाशन सोहळा मा. तहसीलदार यांच्या हस्ते उत्साहात पार पडला.
या प्रसंगी वृत्तपत्राचे संपादक विठ्ठल कौतिक पाटील यांची विशेष उपस्थिती होती. त्यांच्या मार्गदर्शनाखाली साप्ताहिक सूक्ष्मलोक हे वृत्तपत्र समाजातील विविध प्रश्न, स्थानिक घडामोडी आणि जनहिताचे मुद्दे प्रभावीपणे मांडण्याचा संकल्प घेऊन सुरू करण्यात आले आहे.
मा. तहसीलदार शीतल सोलाट यांनी आपल्या मनोगतात वृत्तपत्राच्या पुढील वाटचालीस शुभेच्छा देत निष्पक्ष व निर्भीड पत्रकारितेचे महत्त्व अधोरेखित केले.
कार्यक्रमास विविध मान्यवर व नागरिक मोठ्या संख्येने उपस्थित होते. शेवटी आभार प्रदर्शनाने कार्यक्रमाची सांगता झाली.
