जिद्द आणि इच्छाशक्तीने उंची गाठा – आमदार किशोर पाटील यांचे आवाहन
भडगाव जावेद शेख : –
“दिव्यांगत्व हे अडथळा नसून जिद्द आणि इच्छाशक्तीच्या जोरावर कोणतीही उंची गाठता येते. शासन तुमच्या पाठीशी सदैव खंबीरपणे उभे आहे,” असे सांगत त्यांनी विद्यार्थ्यांना सकारात्मक दृष्टिकोन ठेवून शिक्षणात प्रगती करण्याचे आवाहन आमदार किशोर पाटील यांनी पंचायत समीती शिक्षण विभागामार्फेत अलीमको शिबिरातल दिव्यांग विद्यार्थ्यांना साहित्य वाटप कार्यक्रमाच्या अध्यक्षस्थानाहुन दिव्यांग विध्यार्थ्यांना संबोधतांना केले.
समाजातील दिव्यांग विद्यार्थ्यांना सक्षम करून त्यांना मुख्य प्रवाहात आणण्याच्या दृष्टीने आज आमदार किशोर पाटील यांच्या हस्ते दिव्यांग विद्यार्थ्यांना विविध आवश्यक साहित्याचे वितरण करण्यात आले. शासनाच्या या उपक्रमातून विद्यार्थ्यांना दैनंदिन जीवन अधिक सुलभ होण्यासाठी मोठी मदत मिळणार असून त्यांच्या आत्मविश्वासातही भर पडणार आहे.
यावेळी व्यासपिठावर आमदार किशोर पाटील,शिवसेना जिल्हाध्यक्ष रावसाहेब पाटील,गटविकास अधिकारी बी.के.अंजने,गटशिक्षणाधिकारी रावसाहेब पाटील,भडगाव लोकनियुक्त नगराध्यक्षा रेखाताई मालचे,उपनगराध्यक्ष राजेंद्र पाटील,गटनेते लखीचंद पाटील,शिक्षण विस्तार अधिकारी गणेश पाटील,नगरसेवक युवराज पाटील,समाधान पाटील,पुरुषोत्तम सोनवणे,स्विय सहाय्यक राजेंद्र पाटील व सुनिल पाटील हे उपस्थित होते.
मान्यवरांच्या हस्ते हेलर केलर व लुईस ब्रेल यांच्या प्रतिमांचे पुजन करण्यात आले.यावेळी शिक्षण विभागातर्फे मान्यवरांचे स्वागत करण्यात आले.यावेळी भडगाव तालुक्यातिल दिव्यांग विद्यार्थ्यांना शेक्षणिक किट,सि.पी.चेअर,व्हिल चेअर,कर्णयंञ आदी मान्यवरांच्या हस्ते वितरीत करण्यात आले.यावेळी दिव्यांग विद्यार्थ्यांना मार्गदर्शन करतांना आमदार किशोर पाटील यांनी तुम्हाला आलेल्या दिव्यांगत्वावर मात करा,शिका आणी यशस्वी व्हा.मतदार संघाचा पालक म्हणुन मी सदैव तुमच्या सोबत आहे.असे आश्वासन दिले.त्यांच्या या आश्वासनाने दिव्यांग विद्यार्थी व पालकांच्या चेहर्यावर आनंद आणी सआधान दिसुन आले.कार्यक्रमाचे प्रास्ताविक,सुञसंचलन व आभार गणेश देशमुख यांनी मानले तर कार्यक्रम यशस्वितेसाठी किशोर पुजारी,लक्ष्मण खैरनार,टिकाराम पाटील, मनोहर माळी, मिलिंद सोनवणे,जितेंद्र माने,शिवाजी भोसले,किशोर पाटील,वर्षा पाटिल,छाया महाजन,छाया देसले,छाया ढोले यांनी परिश्रम घेतले.
