जिल्हा परिषद उर्दू शाळेत महात्मा ज्योतिबा फुले यांची जयंती उत्सवात साजरी
भडगाव ता. प्रतिनिधी :-अमीन पिंजारी
कजगाव (ता. भडगाव) येथील जिल्हा परिषद उर्दू शाळेत क्रांतीसूर्य महात्मा ज्योतिबा फुले यांच्या जयंतीनिमित्त विविध कार्यक्रमांचे आयोजन करण्यात आले. महात्मा फुले समता परिषद व अखिल भारतीय ग्रामीण पत्रकार संघटनेच्या वतीने आयोजित या कार्यक्रमात मान्यवरांच्या हस्ते महात्मा ज्योतिबा फुले यांच्या प्रतिमेचे पूजन करण्यात आले.
यावेळी महात्मा ज्योतिबा फुले, आई सावित्रीबाई फुले तसेच शेख फातिमा यांचे थोर विचारवंतांच्या विचारांवर उपस्थितांनी मनोगत व्यक्त केले. कार्यक्रमादरम्यान शाळेतील विद्यार्थ्यांना शैक्षणिक साहित्याचे वाटप करण्यात आले.
या प्रसंगी अखिल भारतीय महात्मा फुले समता परिषद चे तालुका अध्यक्ष भानुदास महाजन, अमिन शहा (पत्रकार), शाळा समितीचे अध्यक्ष अन्वर तांबोळी, मुख्याध्यापिका शेख बुरानुद्दीन, मोईनुद्दीन, सादिया बेगम, खालील अहमद शाहीना, आफिफ खान, शिक्षकवर्ग तसेच ग्रामस्थ मोठ्या संख्येने उपस्थित होते.
कार्यक्रमाचे सूत्रसंचालन शेख बुरानुद्दीन सर यांनी केले, तर आभार प्रदर्शन शाहीना खान यांनी मानले.