बात्सर येथे डॉ बाबासाहेब आंबेडकर जयंती उत्सवाचे बॅनर फाडल्या प्रकरणी भडगाव पोलिसात एका जणा विरोधात गुन्हा दाखल 
भडगाव प्रतिनिधी :-
डॉ. बाबासाहेब आंबेडकर यांच्या जयंतीनिमित्त लावण्यात आलेला बॅनर फाडल्याची घटना बात्सर ता.भडगाव परिसरात घडली असून या प्रकरणी संबंधिता विरुद्ध भडगांव पोलिसात गुन्हा दाखल करण्यात आला आहे. या घटनेमुळे परिसरात काही काळ तणावाचे वातावरण निर्माण झाले होते.
मिळालेल्या माहितीनुसार, फिर्यादी- रामेश्वर विरभान वाघ रा. बात्सर यांनी दिलेल्या तक्रारीत नमूद केले आहे की, दि.१२ एप्रिल रात्री १२ ते दुपारी १२:३० वाजेच्या सुमारास बात्सर बसस्टँड चौकतील बॅनर संशंयित आरोपी वाल्मिक राजेंद्र गायकवाड रा.पिचर्डे ता. भडगांव याने हेतुपुरस्सरपणे डॉ. बाबासाहेब आंबेडकर यांच्या जयंतीनिमित्त लावलेला बॅनर फाडून नुकसान केले. या कृत्यामुळे फिर्यादीच्या सामाजिक तसेच भावनिक भावना दुखावल्याचा आरोप करण्यात आला आहे.
या तक्रारीनुसार भडगाव पोलीस ठाण्यात संबंधित व्यक्तीविरुद्ध भा.दं न्याय संहिता २०२३ चे कलम २९९ प्रमाणे गुन्हा नोंदवण्यात आला आहे. प्राथमिक माहितीनुसार, हा प्रकार खोडसाळपणातून घडल्याचे फिर्यादीत स्पष्ट करण्यात आले आहे.
गुन्हा नोंद झाल्यानंतर प्रकरणाचा तपास सुरू करण्यात आला असून, तपासाची जबाबदारी पोलीस ठाण्याचे सपोनि प्रताप एकशिंगे यांच्या मार्गदर्शना खाली पोलीस हवालदार मुकुंद परदेशी यांच्याकडे सोपवण्यात आली आहे.
दरम्यान, पोलिसांकडून या प्रकरणाची सखोल चौकशी सुरू असून परिसरात कायदा व सुव्यवस्था अबाधित ठेवण्यासाठी आवश्यक ती खबरदारी घेण्यात येत आहे. पुढील तपासानंतर अधिक माहिती स्पष्ट होणार असल्याचे पोलिसांनी सांगितले आहे.
Leave a Reply