मुख्यमंत्री माझी लाडकी बहीण योजना : मे महिन्यात ₹३००० की ₹४५००? महिलांमध्ये संभ्रम; सरकारकडून अद्याप अधिकृत तारीख नाही
राज्यातील लाखो महिलांना प्रतीक्षा असलेल्या मुख्यमंत्री माझी लाडकी बहीण योजना संदर्भात सध्या मोठी चर्चा सुरू आहे. मे महिन्याचे पहिले १० दिवस उलटून गेले तरी मार्च, एप्रिल आणि मे महिन्याचा हप्ता अनेक लाभार्थी महिलांच्या खात्यात जमा झालेला नाही. त्यामुळे “या महिन्यात ₹३००० मिळणार की थेट ₹४५०० जमा होणार.?” असा प्रश्न महिलांमध्ये निर्माण झाला आहे.
तीन महिन्यांचे पैसे एकत्र येणार.?
या योजनेंतर्गत पात्र महिलांना दरमहा ₹१५०० सन्मान निधी दिला जातो. मात्र मार्च महिन्यापासून अनेक लाभार्थींना हप्ता मिळालेला नाही. एप्रिलमध्ये “₹३००० एकत्र जमा होतील” अशी चर्चा होती, परंतु प्रत्यक्षात पैसे आले नाहीत. आता मे महिना सुरू झाल्यानंतर मार्च, एप्रिल आणि मे या तीन महिन्यांचे मिळून ₹४५०० एकत्र जमा होण्याची शक्यता व्यक्त केली जात आहे.
काही वृत्तांमध्ये असेही सांगितले जात आहे की ई-केवायसी आणि लाभार्थी पडताळणी पूर्ण झाल्यानंतर शासन प्रलंबित हप्ते एकत्र वितरित करू शकते. मात्र याबाबत राज्य शासनाकडून अद्याप कोणताही अधिकृत GR किंवा निश्चित तारीख जाहीर करण्यात आलेली नाही.
१० तारखेपर्यंत पैसे अपेक्षित, पण विलंब कायम
शासनाच्या नियमानुसार लाभार्थी महिलांच्या खात्यात दर महिन्याच्या १० तारखेपर्यंत हप्ता जमा होणे अपेक्षित असते. मात्र अनेक महिलांच्या तक्रारीनुसार आतापर्यंत पैसे नियमित वेळेत जमा झालेले नाहीत. त्यामुळे यावेळीही हप्ता उशिरा येण्याची शक्यता व्यक्त केली जात आहे.
ई-केवायसी आणि पडताळणीमुळे अडथळा.?
अनेक अहवालांनुसार, ई-केवायसी प्रक्रिया आणि लाभार्थी पडताळणीमुळे निधी वितरणात विलंब होत आहे. काही वृत्तांमध्ये सुमारे ५४ लाख महिला अपात्र ठरल्याचा दावा करण्यात आला असून सध्या अंदाजे १.८९ कोटी महिला पात्र असल्याची माहिती समोर येत आहे.
यामुळे शासनाचा आर्थिक भार कमी झाला असून पात्र महिलांचे थकीत हप्ते लवकर वितरित होऊ शकतात, अशी शक्यता व्यक्त केली जात आहे. मात्र अधिकृत घोषणेअभावी ही माहिती निश्चित मानली जात नाही.
महिलांनी काय तपासावे.?
लाभार्थींनी खालील बाबी तपासून ठेवणे आवश्यक आहे:
बँक खाते आधारशी लिंक आहे का
NPCI/DBT सक्रिय आहे का
ई-केवायसी पूर्ण झाली आहे का
अर्ज Approved स्थितीत आहे ka
मोबाईल नंबर बँकेशी जोडलेला आहे का
सध्या सोशल मीडियावर आणि विविध वृत्तांमध्ये मार्च-एप्रिल-मे या तीन महिन्यांचे ₹४५०० एकत्र जमा होण्याची जोरदार चर्चा सुरू आहे. मात्र राज्य शासनाकडून अद्याप अधिकृत घोषणा किंवा निधी वितरणाची अंतिम तारीख जाहीर करण्यात आलेली नाही. त्यामुळे महिलांनी अफवांवर विश्वास न ठेवता अधिकृत अपडेटची प्रतीक्षा करणे महत्त्वाचे आहे.
Leave a Reply