अंधश्रद्धा निर्मूलन समिती जळगाव जिल्हा बैठक संपन्न.!!!
भडगाव जावेद शेख
भडगाव शाखेकडून ४ महिन्यांचा अहवाल सादर
जळगाव:
महाराष्ट्र अंधश्रद्धा निर्मूलन समिती (अंनिस) जळगाव जिल्हा शाखेची अत्यंत महत्त्वाची आणि सर्वसमावेशक जिल्हा बैठक नुकतीच उत्साहात संपन्न झाली. या बैठकीला जिल्ह्यातील विविध शाखांचे पदाधिकारी आणि कार्यकर्ते मोठ्या संख्येने उपस्थित होते.
या बैठकीमध्ये भडगाव शाखेच्या वतीने शाखा अध्यक्ष युनूस खान यांनी गेल्या ४ महिन्यांत शाखेने केलेल्या सामाजिक कार्याचा, प्रबोधन उपक्रमांचा आणि अंधश्रद्धा निर्मूलनाच्या मोहिमांचा सविस्तर ‘४ माहीत अहवाल’ जिल्हा समितीसमोर सादर केला. भडगाव शाखेच्या उल्लेखनीय कामगिरीचे जिल्हा समितीकडून कौतुक करण्यात आले.
पुढील दिशा आणि नियोजन:
बैठकीत केवळ मागील कामाचा आढावाच घेण्यात आला नाही, तर ‘पुढील ४ महिन्यांत’ जिल्ह्यात आणि भडगाव तालुक्यात कोणकोणते उपक्रम राबवायचे, समाजात वैज्ञानिक दृष्टिकोन कसा रुजवायचा, यावर सर्व सदस्यांमध्ये सविस्तर आणि सकारात्मक चर्चा झाली.
जिल्हा बैठकीत ठरलेल्या धोरणांची आणि आगामी उपक्रमांची भडगाव तालुक्यात प्रभावी अंमलबजावणी करण्यासाठी भडगाव शाखेची विशेष मासिक बैठक आगामी ५ जुलै रोजी आयोजित करण्यात येते. या बैठकीत पुढील ४ महिन्यांच्या रूपरेषेवर आणि उपक्रमांवर भडगावमधील कार्यकर्त्यांसोबत सविस्तर चर्चा करून अंतिम निर्णय घेतला जाईल.
उपस्थिती:
जिल्हा पातळीवरील या महत्त्वपूर्ण बैठकीला भडगाव शाखेचे प्रतिनिधित्व करण्यासाठी शाखा अध्यक्ष युनूस खान यांच्यासोबत भडगाव शाखेचे खंदे कार्यकर्ते जावेद शेख (पत्रकार)हे देखील प्रामुख्याने उपस्थित होते. त्यांनीही चर्चेत सक्रिय सहभाग नोंदवला. तसेच जळगाव जिल्ह्यातील, जामनेर ,अमळनेर, चाळीसगाव , खडके (४O गाव),भडगाव,पाचोरा, धरणगाव, येथील साथी बैठकीत उपस्थित होते कार्यक्रम खेळीमेळीच्या वार्तावर्णात संपन्न झाले
”अंधश्रद्धा दूर करून विवेकी समाज निर्माण करण्यासाठी अंनिस भडगाव शाखा कटिबद्ध आहे!”
— भडगाव शाखा, म.अं.नि.स. जळगाव जिल्हा.
