चाळीसगाव येथील राष्ट्रीय कन्याशाळेत गरजु विद्यार्थिनींना मोफत शालेय गणवेशांचे वाटप.असाही स्तुत्य उपक्रम. या उपक्रमाचे होतेय कौतुक.विदयार्थ्यांच्या चेहर्यावर फुलले हास्य.
भडगाव प्रतिनिधी :-
राष्ट्रीय कन्याशाळा व ज्युनिअर कॉलेज चाळीसगाव येथे दिनांक ६/८/२०२६ गुरुवार रोजी सकाळी ८ वाजता लोकनायक तात्यासाहेब महेंद्रसिंग राजपूत प्रतिष्ठान तर्फे गरजू विद्यार्थिनींना मोफत शालेय गणवेशांचे वाटप करण्यात आले. याप्रसंगी कार्यक्रमाच्या अध्यक्षस्थानी रा.स.शि.प्र.मं.
लि.चाळीसगांव संस्थेचे चेअरमन मा.डॉ.बापूसाहेब विनायकराव यशवंतराव चव्हाण हे होते सर्व प्रथम प्रमुख मान्यवरांच्या हस्ते तात्यासाहेबांच्या प्रतिमेचे पूजन करण्यात आले उपशिक्षिका श्रीमती नुतन पाटील यांनी ईशस्तवन सादर केले.उपशिक्षिका श्रीमती भैरवी सोनवणे यांनी स्वागत गीत सादर केले यानंतर शाळेच्या वतीने प्रमुख पाहुण्यांचे शाल, श्रीफळ व पुष्पगुच्छ देवून यथोचित सत्कार करण्यात आला लोकनायक तात्यासाहेब महेंद्रसिंग राजपूत प्रतिष्ठानचे सचिव उपशिक्षक श्री सतीश पाटील यांनी आपल्या प्रास्ताविकात तात्यासाहेबांचा संपूर्ण जीवनपट उलगडून दाखवला
याप्रसंगी व्यासपीठावर कार्यक्रमाचे अध्यक्ष म्हणून रा. स.शि.प्र.मं.लि.चाळीसगांव या संस्थेचे चेअरमन मा.डॉ. बापूसाहेब श्री.विनायकराव यशवंतराव चव्हाण, प्रमुख पाहुणे म्हणून मा.आमदार दादासाहेब श्री मंगेश रमेश चव्हाण, संस्थेचे सहसचिव मा.नानासाहेब श्री.रावसाहेब जयवंतराव साळुंखे, संस्थेचे संचालक काकासाहेब श्री भाऊसाहेब महारू पाटील, संचालक अण्णासाहेब श्री. सोनुसिंग प्रतापसिंग ठाकरे, संचालक ॲड श्री.साहेबराव चव्हाण, नगरसेविका सौ विजयाताई पवार, नगरसेवक श्री धर्मराज बच्छे,मा.प्राचार्य वाय.आर.सोनवणे, राष्ट्रीय
विद्यालयाचे प्राचार्य प्रमोद अमृतकार, शाळेच्या प्राचार्या ताईसाहेब सौ अनिता पाटील, उपप्राचार्य बापूसाहेब श्री रविंद्र जगतसिंग पाटील, पर्यवेक्षक आप्पासाहेब श्री धर्मराज बिरारी प्रतिष्ठानचे अध्यक्ष विरेंद्रसिंग राजपूत, प्रतिष्ठानचे सचिव उपशिक्षक श्री सतीश पाटील, हिरकणी महिला मंडळाच्या अध्यक्षा सौ सुचित्राताई पाटील, श्री.अतुल पाटील , श्री.आबासाहेब पाटील ,कर्मचारी प्रतिनिधी ताईसाहेब सौ उज्वला पाटील व कर्मचारी प्रतिनिधी दादासाहेब श्री हरिष महाले हे उपस्थित होते.
सर्व प्रथम गरजू विद्यार्थिनींना मोफत शालेय गणवेशांचे प्रमुख मान्यवरांच्या हस्ते वाटप करण्यात आले. यानंतर श्री.निंबा पवार गुरुजी यांनी आपल्या भाषणात तात्यासाहेबांच्या आठवणींना उजाळा दिला. शाळेच्या प्राचार्या ताईसाहेब सौ अनिता पाटील यांनी आपल्या भाषणात तात्यासाहेबांच्या कार्याचा गौरव केला तसेच शाळेतील विद्यार्थिनींनी साठी आमदारांनी डोमची व्यवस्था करावी अशी मागणी केली आजच्या कार्यक्रमाचे प्रमुख पाहुणे आमदार दादासाहेब श्री मंगेश रमेश चव्हाण यांनी आपल्या भाषणात लोकनायक तात्यासाहेब महेंद्रसिंग राजपूत प्रतिष्ठानतर्फे आयोजित समाज उपयोगी उपक्रमांचा आढावा घेतला. तसेच संस्थेला सर्व प्रकारची मदत केली जाईल असे आश्वासन दिले.
रा.स.शि.प्र.लि.चाळीसगांव या संस्थेचे चेअरमन मा.डॉ. बापूसाहेब श्री विनायकराव यशवंतराव चव्हाण यांनी आपल्या भाषणात लोकनायक तात्यासाहेब महेंद्रसिंग राजपूत प्रतिष्ठानच्या कार्याचा गौरव केला. तसेच आमदार दादासाहेब श्री मंगेश चव्हाण यांनी संस्थेला सर्व प्रकारची मदत करावी ही अपेक्षा व्यक्त केली.
आजच्या कार्यक्रमाचे सुत्रसंचालन सांस्कृतिक विभाग प्रमुख सौ अर्चनाताई वाबळे यांनी केले. तर आभार शाळेच्या उपशिक्षिका श्रीमती भैरवी सोनवणे यांनी केले. याप्रसंगी शाळेतील सर्व शिक्षक व शिक्षकेत्तर बंधू भगिनी, प्रतिष्ठानचे सर्व पदाधिकारी व पालक वर्ग मोठ्या संख्येने उपस्थित होते. अशी माहिती भडगावचे पञकार श्री. अशोकबापु परदेशी यांनी दिली.
