न्यायासाठी ३ वर्षांची प्रतीक्षा ! रोहित पवार गोंडगावात पीडित कुटुंबाच्या भेटीला.
भडगाव प्रतिनिधी :-
राष्ट्रवादी काँग्रेस पार्टी (शरदचंद्र पवार गट)चे आमदार Rohit Pawar हे बुधवार, दि. ६ मे २०२६ रोजी सायंकाळी ४ वाजता जळगाव जिल्ह्यातील भडगाव तालुक्यातील गोंडगाव येथे भेट देणार आहेत.
तीन वर्षांपूर्वी गोंडगाव येथे घडलेल्या एका चिमुकलीवरील बलात्कार व हत्येच्या गंभीर घटनेनंतर अद्यापही पीडित कुटुंबाला न्याय मिळालेला नाही. सदर प्रकरण सध्या फास्ट ट्रॅक न्यायालयात सुरू असून, न्यायप्रक्रियेला विलंब होत असल्याची भावना स्थानिक नागरिकांमध्ये व्यक्त होत आहे.
या पार्श्वभूमीवर आमदार रोहित पवार हे गोंडगाव येथे जाऊन पीडित कुटुंबीयांची प्रत्यक्ष भेट घेणार असून, प्रकरणाची सद्यस्थिती जाणून घेणार आहेत. तसेच संबंधित अधिकाऱ्यांशी चर्चा करून न्यायप्रक्रियेला गती देण्याबाबतही ते भूमिका मांडण्याची शक्यता आहे.
या भेटीमुळे पुन्हा एकदा या प्रकरणाकडे प्रशासनाचे लक्ष वेधले जाणार असून, पीडित कुटुंबाला न्याय मिळण्याच्या अपेक्षा व्यक्त होत आहेत.
